小熊 Duffy 與 ShellieMay 首度現身迪士尼婚禮

小熊 Duffy 與 ShellieMay 首度現身迪士尼婚禮

 

相信大家對迪士尼的童話婚禮一點都不陌生,可以在充滿童話氣氛的環境下舉行婚禮,真是不少女孩子的夢想!

而最近香港迪士尼又有「新搞作」,推出限時特選禮遇,首度邀請可愛度爆燈的迪士尼小熊 Duffy 與 ShellieMay,以全新宴會造型現身婚禮,在婚禮上為新人送上祝福!除咗小熊現身婚禮之外,特選禮遇更包括其他優惠,各位 Duffy 迷千萬不要錯過呀!

由於是次特選禮遇為限時性,所以各位新人就要特別留意優惠期限!新人於即日至2017年10月31日預訂2018年2月14日至8月31日期間舉行之「迪士尼童話婚禮」婚宴套餐,即可得到限時特選禮遇!優惠詳情如下︰

各位諗住舉行童話婚禮嘅新人唔好猶豫喇,快啲行動,優惠期有限呀!

分類 
婚禮籌備

Disney 全新婚宴主題,為繁忙的妳籌備夢幻婚禮

 

Disney 啲嘢有幾靚就真係唔駛多講。早前佢哋grand launch 咗兩個全新主題「皇室盛宴」同埋「瑰麗戀曲」。靚就真係好靚,但見慣靚嘢既香港人一定要知道今次唔單止靚,重要係舊theme有reboot而新theme大家又未見過,各位bride想搞一個獨有又“Wao!”到人既婚禮又多個選擇啦~!

 

「瑰麗戀曲」

「皇室盛宴」

 

引入多元化播片音樂及燈光元素

立體投影蛋糕都幾特別,遠睇老實講都只係睇得出係一舊蛋糕型既擺設,但啟動咗都幾特別,片段開頭唔單止有Disney既主題人物,原來後接既片段係可以俾新人話事,用佢哋既相片連接起嚟!加埋背後打燈同埋Disney一貫既動人音樂,整體加起嚟都真係幾靚幾難忘既~!

 

細節體貼全面,為籌備煩惱減減壓

搞婚禮有幾煩真係過來人或者兄弟姊妹一定明白,而Disney今次showcase不單只係靚setting同埋靚食物,佢地處處為新人著想幫新人諗埋細節位先真係最impress到我哋既。經佢地搞可以諗少幾多嘢呢?

 

[場地佈置]:真係行入嚟就得,宜家仲有兩個新主題,真係乜都幫妳搞掂晒!

 

[燈光影音]:好多場地AV配套都要check真D,但Disney話晒做開娛樂,呢環又擔心少樣~!

 

 

[娛樂元素]:入嚟Disney擺酒有Mickey Minnie都可能預咗,但啲仔細位例如每一味餸都有少少Disney元素就係心思所在喇。小編當日見到個燉湯裡面連個冬瓜都係Mickey嚟既,見佢响度浮吓浮吓都咪話唔得意~! 剩係每一味餸等賓客玩Disney photo-hunt 都夠好玩啦!

 

 

[雜項雜項雜項]:所謂“百密一疏”就係邊諗得到咁多吖~! Disney深明呢一點!唔理係利士封到簽名筆,靚packing嘅朱古力回禮禮物,定係戒指枕到小小既note card都有,真係煩少一樣得一樣呀!

 

分類 
婚禮籌備

打手們,俾我放工好唔好?

 
 
最近看到經濟日報沈帥青先生撰文講述網購公司Amazon向假評語和打手宣戰的報導,而其他同行的評語網站如Tripadvisor 和本地的Openrice都一樣面對假評的問題。看到新聞不期然對這狀態有非常大的認同感,文中提到的道高一尺,魔高一丈,真的說盡我們打假的辛酸!
 
很多商戶都知道評語的重要性,因為講到底一對新人結婚是很缺乏經驗而往往依靠身邊或網上的各種「推介」作參考。作為一個評語網站,在收到的眾多評語當中,很多新人都真心希望感謝幫過自己的商戶或把籌備過程仔細分享,但當中都不乏各式各樣的假評語滲入在內,需要眼利的編輯們分辨真偽。
 
假好評 - 夫唱婦隨
記得有2篇「經典」評語在收到的時候令我們編輯部啼笑皆非。話說系統裡連續收到一篇從新人A小姐提交關於一篇攝影師,及一篇經新人B小姐提交關於化妝師的評語。因為我們是每一篇評語都必須經過審批盡量確查屬實才能被刊登的,而第一篇評語是講到這位新人A小姐找到這位攝影師時「剛巧」得知他的太太原來是一位化妝師,細節當然是兩位都聘用而服務當然是好好完全滿分。好了,隨後另一篇評語就是同一情況但是角色調換!新人B小姐找到這位化妝師時又「剛巧」得知她的丈夫原來是一位攝影師,細節亦當然是兩位都聘用而服務當然又是好好全面的五星級服務。拜託,世事真的會這麼巧合嗎?
 
假劣評 -惡意攻擊
假評不一定是自我吹捧好服務的,也有很多是惡意攻擊,故意於網路散播虛假評語希望藉此抹黑該商戶的商譽。當中的因由其實很難參透,有機會是同行故意偽篇一段評語攻擊其附近的同行競爭對手,也有可能發生了一些與婚禮服務無關的爭執而刻意把該商戶劣評。例如有一天網站收到一篇對某化妝師的BigDay化妝服務評語。內容是關於一位顧客報名上了該化妝師開的化妝班,被游說購買了化妝品後覺得後悔而把其關於婚禮化妝服務的評分都打上很低的分。更可笑的是,既然稱得上是“新娘Big Day化妝”服務評語,用後評語很自然應該是一個過去了的日期吧,而該「顧客」所填的日子竟然是未來2016年的12月!
 
當一間餐廳被假食評誤導時,最多下一餐不再光顧。但婚禮不一樣,一生人一次,被假評語誤導便可大可少! 以上這些評語當然沒有被發佈,以免混亂大家的目光。而我們真心的希望各商戶既然都決定投放時間建立自己商譽,倒不如認真的對待自己的服務而不要走歪路去造假或攻擊他人。以後有機會再跟大家分享其實網民的眼睛是雪亮的,我們普遍的人都是有看出假評語的能力,所以打手們,請不要再作假欺騙大家,更重要的是,不要再增加我們的工作量好嗎?
 
經濟日報原文:https://bit.ly/2uHTUK9
伍浩翹
從事網站編輯工作,經常慨嘆生活和社會變得太快,經常提醒自己「唔試過點知唔得!」。 
 
分類 
婚禮籌備

做個好姊妹 (下)

要做個好姊妹,除了婚禮前要作好各樣準備 (不知要如何預備?參考做個好姊妹(上)吧~), 婚禮當日要注意的事項又有那幾點?

On Day注意事項

  1. 時間

時間是On Day最重要的事。

早上前往新娘家梳化時千萬不要遲到,愈早愈好。一來,新娘可能仍有物資需要您幫忙前去購買,例如用以「玩新郎」的冰粒便多是當天早上方前往超市或便利店購買,如果早點到達新娘家便下幫忙打點一切。二來,假若姊妹人數眾多,化妝師一般在化妝後期為趕吉時而比較趕急,倘若早點前往梳化,化妝師一般會化得比較仔細,效果亦更好。

於接新娘的時候,亦請留意時間,避免因而誤了吉時或前往註冊的時間。曾經參加過一個婚禮,新人因接新娘的時候耗時較多,導致耽誤了前往註冊的時間,以致需要補錢讓律師及註冊場地加時完成整個註冊儀式。

此外,亦需要留意當天的路面狀況及天氣。例如下雨或有交通意外發生,便需預留更多時間轉換場地,避免因而耽誤時辰。

  1. 照顧長輩

一般人都認為姊妹只需要照顧新娘的需要,其實不然。一個成功的姊妹更會照顧一對新人的長輩,使他們不會感到被冷落,從而令整場婚禮的氣氛更為融洽。我哥哥的婚禮便有幸有一位好姊妹照顧我婆婆,不單逗她笑,更與她聊天,使我婆婆一整天都心情十分愉快,更說要認那位姊妹作乾孫呢!

  1. 留意酒店配置

曾經參與過一場婚禮,酒店只提供新娘房予新人及雙方父母更換衣物,姊妹沒有留意此問題,於祝酒前同時安排雙方母親進新娘房與新娘更換衣服,結果狹小的房間擠了三人,不單不方便,雙方母親亦因更換衣服需要肉帛相見而感到尷尬不已。所以姊妹要留意酒店配置,看看酒店預留了多少房間供新人及其父母更換衣服,如果只有一間房,就要留意雙方家長更換衣服的時間,避免上述的尷尬情況。

  1. 留意新娘裙擺

大合照時間當然要擺一個美麗的姿勢,留下美好的回憶。但請記得大部份新娘的裙都有長長的裙擺,在拍照時記得幫她整理好裙擺,達到更美麗的效果。

  1. 留意禮金問題

一般禮金多半區分男女兩家,由親戚或姊妹代收。若然您需要代收禮金,記緊要問新人是否需要再區分新人及父母的禮金、是否需要賓客於禮金封上簽名等,避免其後引起誤會。同時,建議亦大致記得哪數席是新娘的親戚、朋友及同學,避免於入席的高峰期手忙腳亂。

  1. 關於佈置場地

不少新人均從佈置公司購入佈置用具,交予兄弟及姊妹團幫助佈置。建議先向酒店了解可否使用膠紙等黏貼工具,同時亦於智能手機安裝水平儀等應用程式,令佈置工作更為方便。

  1. 不要只顧看電話

智能手機的方便令我們常常機不離手,習慣依賴其與親友聯絡、拍照等。但on day的日子就建議不要只顧看電話,避免因而招長輩或新人不高興,同時亦避免忽略了身邊的突發狀況。

  1. 斟茶留意事項

斟茶時間,最好多於一個姊妹幫手,因為需要同時泡茶、清理茶具、扶新娘跪下等事項眾多,難以一個姊妹處理全部事項。同時,於斟茶前建議先預算多少位長輩需要喝茶,先把紅棗等放進茶杯,可使整個流程更為順利。此外,看管金器一事宜由一個姊妹全權負責,避免遺失金器。

  1. 鐵腳、馬眼、神仙肚

「鐵腳、馬眼、神仙肚」多用以形容記者,指他們能夠眼觀四路、能跑能站,同時亦可以餓肚子。我認為,做姊妹同樣需要「鐵腳、馬眼、神仙肚」,因為可能發現漏買重要物資時奔跑去買,又需要觀察新娘有沒有特別需要及有沒有突發事項、而且也有可能因幫新娘更換裙子而無法安坐進食,所以建議先有心理準備。

 

最後,亦是最重要的準備事項,就是一個祝福新人的心。能擔任姊妹,相信亦與一對新人關係密切,看著自己的朋友找到一生最愛,步入人生另一個階段是一件充滿恩典的事。懷著一個祝福新人的心,On Day的一切難題或雜項均不能使您感到煩心。祝您能夠成為一個成功的姊妹J

 

 Check List

一個大袋

  1. 化妝用品
  2. 卸妝用品
  3. 替換衣物
  4. 一雙舒適的鞋
  5. 隱形眼鏡及專用藥水
  6. 「緊急包」:膠布、止痛藥等基本藥物、針線包及衛生用品
  7. 當天的時間表及親友聯絡表

一個細袋

  1. 電話
  2. 銀包
  3. 紙巾
分類 
婚禮籌備

做個好姊妹 (上)

一個成功的婚禮往往需要很多方面的配合,其中,姊妹更加擔任了重要的角色。從大日子前籌備工作至散席後收拾東西,甚至大日子後還裙等大小事項,姊妹均參與其中。到底要做個好姊妹,有什麼要注意的事項? 以下是我們的一點經驗之談,希望對將為姊妹的您有所幫助。

 事前準備

  1. 選裙

雖說姊妹不是婚禮的主角,但每一個女生總希望自己於大場合上能展現大方得體的一面。姊妹裙的顏色多由新娘決定,而款式則多可由自己選擇。建議盡量選擇新娘決定的顏色或近似色的裙款,同時亦避免選擇黑裙。新郎新娘或不介意姊妹裙的顏色,但黑色的傳統意義或會令長輩不悅,為避免這問題,還是避免選擇黑裙為妙。如有需要的話,亦可以外借披肩,避免當天著涼。同時,請再三與店舖確認Big Day那天姊妹裙可供借出及取裙、還裙的日期。因為我曾經修改了三次,裙子才合身,所以如果時間許可的話,建議與店舖預約改裙後的試裙時間,以防需要再作修改。店舖通常會給予您一個單號以作記錄,如果只用電話相機拍下,下一次可能要翻很久,建議新增於電話通訊錄中,方便尋找。

  1. 取裙

於取裙前一至兩天建議致電商店確認姊妹裙已作好修訂及取裙時間,避免商店因過於繁忙而有所遺留。同時,於取裙的時候,記緊檢查清楚裙上有沒有脫線、破損,或是有污漬的問題,如有問題一定要向店家反映,並請他們詳細記下或拍照存証,避免於還裙的時候有不必要的賠償,同時亦保障自己的權益。

  1. 外借首飾

通常姊妹都會帶頸鏈或介指等首飾使自己更漂亮,同時亦避免當天予人太寡淡的感覺。而首飾一般均需姊妹自備,如果沒有赴宴用的首飾,可以選擇外借。於選擇首飾之時,記得避免過於奪目的款式,避免喧賓奪主,建議選擇簡約大方的款式。同時亦記得清楚了解保證金等收費及檢查清楚首飾有沒有劃花等問題。

  1. 是否於新娘家過夜

有時候姊妹的家與新娘的家相距太遠,為免大日子那天姊妹遲到或是因睡眠不足而沒有精神,亦有時候新娘會要求伴娘或姊妹能前一天於她家中過夜,姊妹便會於前一日住在新娘的家。如果您有這類型的需要的話,記緊要早些與新娘商量,以免對方措手不及啊!

  1. 接新娘環節

談到「做姊妹」,一般很自然聯想至「玩新郎」的環節。與其他姊妹對「開門利是」的金額需要有共識,大多需要準備兩個金額讓男方「討價還價」。一般都會是一個吉利數字,然而避免金額過大以防接新娘的時候浪費太多時間於討論「開門利是」的金額上。同時,於設計「玩新郎」的遊戲時,建議與新娘先行了解新郎的接受程度,避免當天觸及新郎地雷點。最後,亦需預計每個遊戲需用時間及其可行性,避免花去太多時間甚至耽誤吉時。曾經參加一個婚禮,姊妹團要求新郎及兄弟團於平台花園跳三支舞,結果誤了吉時而使長輩有所微言。所以一定要掌握好時間啊!

  1. 裝飾物品及其他物資

裝飾物品及其他物資,包括「玩新郎」的道具一般由姊妹幫忙準備。記緊向商店了解是否需要付保證金以及歸還日期,同時亦檢查相關用品有沒有破損的情況。由於物資眾多,建議以不同袋子分裝,例如出門用物資、接新娘物資等,再用一個大袋把它們全部放在一起,避免當天於不同袋子中尋尋覓覓,又需要於一袋子中不斷翻找用品。

  1. 準備當日的時間表及聯絡電話清單

當日的時間表及聯絡電話清單一般由新人準備,然而如若您能幫助新人收集及確認雙方家長、兄弟團、姊妹團、司機、律師、酒店等人電話,便可大大減輕一對新人的工作量。記緊一式多份,方便當天雙方家長、兄弟團、姊妹團及一對新人均清楚流程及重要的聯絡電話。

  1. 向新人作事前調查

畢竟每一個婚禮都是獨一無二的,所以必須於婚禮前向新人作事前調查,了解有沒有特別的注意事項,例如:某些親友需要特別照料,均需向新人作詳細調查,方便當日安排得當,避免導致不愉快的場面。

 

大日子的前一晚

  1. 帶備兩個袋

建議可以帶一個大袋和一個細袋,分別放置不同物品。細袋放置貴重用品,例如電話、銀包等,隨身攜帶。而大袋則放置較不重要的物品,例如化妝袋、替換衣物等,放在兄弟姊妹車或者新娘房中。這樣就不怕影響造型,同時亦不怕漏帶東西及避免經常拿著一大袋東西到處跑。

  1. 帶備一對舒適的鞋

通常姊妹從早上開始一直穿著高跟鞋直至婚禮完結,雙腳疲憊自是當然,不幸還會被新鞋弄到雙腳傷痕壘壘。猶記得第一次做姊妹的時候沒有帶備一雙替換的鞋,離開的時候發現每一個姊妹都有帶一雙波鞋或是人字拖,才知道原來這是姊妹的必備物。從此而後,做姊妹必定帶備一對舒適的鞋,於散席後換上,避免雙腳過於疲累。

  1. 準備一個「緊急包」

每一個姊妹都希望On Day的時候能夠順順利利,平安無事。然而,天有不測之風雲,萬一手花斷了,又或劃破手,此時您便需要「緊急包」了。「緊急包」會有膠布、止痛藥等基本藥物及針線包,以作備用,萬一真的要用時亦不用到處奔波。當然,最好不需要用到它就最好了。

  1. 帶備化妝袋

大部份的婚禮,新娘均會聘請化妝師為姊妹化妝。然而,我仍會準備少量的化妝用品及卸妝用品。一來,姊妹的化妝師不一定全日在旁,部份婚禮,姊妹的化妝師只會於早上化一次妝。整天的行程中,妝容溶脫是避免不了的問題,避免晚上飲宴的時候面色不均、眼線暈開,帶備少量的化妝用品及卸妝用品便可於空閒之時自行補妝。二來,亦曾聽說化妝師離開後,姊妹假眼睫毛鬆脫,如果作為姊妹的您有帶備化妝用品及卸妝用品,此時便可大派用場了。

  1. 帶備隱形眼鏡及專用藥水

如果在看文章的您和小編一樣是「四眼妹」一名,那麼記緊於On Day帶多一對後備隱形眼鏡及專用的藥水。萬一隱形眼鏡脫落或破裂仍然有一雙作替換之用,不用帶回普通眼鏡或是全天於朦膿中過活。同時,專用的藥水亦能清洗弄髒了的隱形眼鏡,保障眼睛健康。

  1. 學習一兩句吉祥話

雖說部份新人會聘請大襟姐,而攝影師亦大多懂得說一兩句吉祥話,但以防萬一,前一天學些吉祥話總是好的。

 

繼續 做個好姊妹(二)

分類 
婚禮籌備

【室內外結婚場地】2018香港熱門會所婚宴場地TOP4排名|酒店或酒樓外的婚禮選擇‎

現代的婚禮場地,除了在教堂、酒店、酒樓舉行外,其實有不少新人都渴望於自然的美景下進行浪漫的婚禮,或者類似小法國的草原婚禮,價錢夠大眾化,近年都深受年輕人的歡迎。而這類型的婚禮,在香港大多數在會所場地舉辦,形式上以户外草地雞尾酒會為主,室內也有不同的風格。今次,編輯部綜合新人的評論,話你知全港最高CP值的高質會所婚宴場地。

 

第4位:會所一號 郵輪堤岸 ClubONE

 

新人評價:3,000呎大堂 + 地方偏遠但有接駁巴士

「睇咗九龍東嗰間ClubONE同埋九龍灣嗰間ClubONE,但係覺得兩個場地都唔係咁靚。之後老公話不如順便睇埋郵輪嗰間,點知一睇就覺得好靚,個Reception好大,個場地又好grand。雖然地方係偏遠咗少少,但compare之前睇嗰兩間,我覺得係值得嘅。而且佢有shuttle bus,我覺得方便…」

詳細評論及價錢參考:按此

 

新人評價:CP值高 + 樓底高 + 完善宴會設備

「酒樓可能會令人覺得唔夠高檔次,但酒店預算又太高,所以都係傾向搵會所嗰類場地。上網睇到ClubONE郵輪堤岸都覺得幾鐘意,而且價錢比較公道,加上我家姐之前喺ClubONE德藝會度擺酒,我覺得ClubONE啲嘢食同埋啲人都跟進得OK,所以就無乜再睇其他… ClubONE個screen真係好大,好似電影院入面嗰啲隔離2邊有簾,中間就係好大塊布幕嗰種,嗰度樓底都好高。我睇場嗰時其實都無考慮過,所以到播片嗰時到見到畫面好清,啲音響同聲又正又夠清楚,都好開心!」

詳細評論及價錢參考:按此

 

第3位:one-thirtyone 西貢

 

新人評價: 藍天為證草地婚禮

「One Thirty-One係西貢海邊,有海景又有草地,整體環境好舒服,就決定喺呢度證婚。除咗One Thirty-One,我哋仲租埋隔離樓下個農場夾埋一齊做場地,空間感好夠大…」

詳細評論及價錢參考:按此

 

第2位:四季薈 My season My Day

 

新人評價:本身個場好靚,而且location好方便

「我地一開頭其實都無諗住擺酒,到後來真係要擺嘅時候就想啲地點較方便。之後咁啱搵到My Day,見佢地係新裝修,入面唔需要我地點樣佈置都已經好靚,而且location好方便,地鐵直接去到… 」

詳細評論及價錢參考:按此

 

新人評價:細心照顧(包印囍帖+Live Band+其他配套)

「另外佢地啲配套都盡量配合返我地,佢地本身係包埋律師證婚嘅,但因為我地會去教堂行禮證婚,所以佢地都有幫我地轉返其他服務。佢地都有提供photo booth 呀、餐前小食,咁都好好有額外做多過本身寫嘅3甜3咸,最後都應該有7-8樣食物。同埋佢地都有包埋印帖…出嚟嘅效果都好嘅,亦都有送名牌俾我哋。」

詳細評論及價錢參考:按此

 

第1位:會所一號 科學園 ClubONE on the PARK

 

新人評價: 好滿意!Backdrop唔洗花錢再整過

「佢有個新娘保母嘅妹妹跟住我,都會提我要做啲咩,拎漏咗花球又會幫我,都幾好。作為過來人,我覺得揀場地,自己鍾意真係好緊要,無謂揀個自己唔鍾意嘅。總有啲人係長輩覺得想中式就揀中式,但呢啲其實都係自己嘢,要揀自己鍾意嘅。」

詳細評論及價錢參考:按此

 

新人評價:室內/室外證婚都得!

「我之前去過尼到飲,都幾中意佢地個場地,覺得整個design好好,樓底夠高,地方夠大。加上我地要擺成38圍,都算多,其實香港唔係好多地方可以揀,所以就決定揀尼間ClubONE。佢地嘅staff係事前同我地傾都係有問必答,事前亦都會出哂reminders俾我地跟住去準備…」

詳細評論及價錢參考:按此

圖片來源:相關機構, Simply Serenity Wedding Decoration

撰文:May

分類 
婚禮籌備

【新郎結婚禮服】男禮服5大攻略 | 告別黑白灰款式!莊嚴和「娘」味只係一線之差...

唔準諗,即刻答,十個新郎哥十套西裝乜嘢顏色多? 我相信大家都係答「黑」。點樣可以喺一眾都係著黑色西裝嘅兄弟、酒店部長同賓客入面突出自己係主角? 唔使認錯人咁尷尬!?唔使用劍嘅!今日教大家喺顏色、身型、身高、款色同場地,只要一個決定,就可以成為耀眼主角!

 

01. 身型、身高:小心顯肥!

結婚呢個大日子,莫講講女士,其實男士都一樣會做運動keep fit,但往往披左件西裝褸之後,個人就好似縮細左一個圈咁,所以揀男禮就要好小心喇!身型比較有肉地嘅男士,盡量唔好著啲比較鮮色嘅西裝,例如係紅色、黃色,因為鮮色會令人視覺上望落橫啲。但相反瘦底嘅男士就唔好揀啲相對貼身嘅款色,如果唔係視覺上就好易變成竹籤,分分鐘瘦過新娘子就唔好睇喇。另外矮細嘅男士要留意,我老公當時就係因為貪靚,揀左蝙蝠袖,諗住好型成個賭神咁,點知影相出黎就矮左成個頭,真係慘慘豬… 所以揀男禮絕對要睇住自己嘅身型去配合咁先Good Fit 㗎!

 

02. 顏色、款色:告別黑白灰!

「黑、白、灰」我自己平時都著唔少!但大日子又要型又要突出,係時候要拋開呢啲沉悶嘅顏色喇!其實近年大吹韓風同英倫風,顏色上嘅選擇已經愈嚟愈多。好似同黑色一樣咁穩陣嘅深藍色配襯卡其色褲,充滿外國風情嘅百搭啡色配灰色。

有喜慶感覺,又唔會俗套嘅酒紅色,都係搶眼嘅配搭。

款色嘅選擇方面,男禮已經進化到好多Details,等人一望就注視到新郎哥。例如:質地上,個人推薦女性常用嘅布料,佢地嘅精緻度同Details都比男性布料多選擇,唔再局限於斜間或暗紋。而婚期喺年尾呢啲結婚旺季,襯天氣涼涼地,就可以選擇相對厚身少少嘅針織馬夾,而格仔紋嘅西裝亦係經典款式呢!

 

03. 小配件:造型小亮點

另外小配件亦不容忽視,好似煲呔、領巾、呔夾同帽,多個吸睛位亦唔太浮誇。我老公呢件BIG DAY西裝雖然係黑色,但佢分別用上唔同嘅布料去做配搭,新潮之餘亦喺膊頭上加入一隻小天鵝裝飾,呃到唔少LIKE呢!

 

04. 場合

顏色、款色揀好之後,唔好以為就萬無一失。因為配襯場地亦都係非常重要,例如:你唔會選擇著住尾燕服喺沙灘證婚一樣,避免「對的衣服,遇著錯的場地」! 新郎們,記緊以下TIPS呀!

 

A. 田園風 – 近年大熱主題

因為處身大自然,所以新郎哥可以選擇一啲相對輕鬆同淺色嘅西裝配搭。而下身亦可以配襯淨色波鞋,輕鬆自然咁享受樹木同綠草嘅清新氣息。

 

B. 教堂式

神聖同莊嚴嘅教堂係唔少新娘子自幼幻想嘅結婚地點,所以新郎可以揀一啲比較斯文同莊重嘅款式。如:燕尾服、韓式禮服亦相對適宜。

 

C. 酒會式

彷似身處外國場地嘅酒會,近年深受唔少新人嘅喜愛。輕輕鬆鬆同最愛嘅親朋好友狂歡傾計,所以禮服上面嘅元素就可以傾向英倫風嘅Casual wear,甚至可以玩味感重一啲!

 

05. 循環再用

講到呢到,就算揀幾靚幾突出嘅西裝都係結婚當日用,好多男士都會拋出一句:「之後都用唔番,唔使搞咁多野啦,簡單咪得囉!」有見及此,而家好多鋪頭設有修改禮服嘅服務。只要新郎哥係訂造西裝前,同負責人講想件禮服日後著得番,佢地就會將恤衫預先加一啲鈕扣,方便完婚後將禮服嘅蘋果領改為活動領。若果你著日式燕尾服,日後亦都可將後面的剪裁裁返短,咁就唔會做成浪費喇!

撰文:駐場Blogger - 人妻搜記

圖片來源:駐場Blogger - 人妻搜記、明星發相

分類 
婚禮籌備

【婚禮當日攝影】2018香港婚禮攝影TOP 4排名 | 新人真實評語:唔好貪平,最高質係…

籌備結婚嘅時候,好多師姐會話結婚當日攝影師真係好重要,Pre-Wedding影得差可以再影過,但一生人入面,結婚大日子只有一次,當日影得差,出嚟嘅效果係婚禮災難照,誇張啲講真係「人生污點」。當然,Pre-Wedding影得好嘅攝影師唔代表喺Big Day當日都影得好。編輯根據一眾新人的評分,精選了全港Top 4婚禮攝影名單,好值得大家參考。

 

第4位  : TcTang Image House

新人評價:態度好,捕捉到重要時刻,勤力嘅攝影師!

「影Pre-Wedding 好夾,服務態度好,所以Big Day都揾返佢影。Big day當日,我覺得佢好似好了解Four season個場,完全知道晒邊個位影相靚!之後我啲姊妹話返比我聽,原來當我做緊makeup既時候,佢襯空檔時間周圍搵靚位,到我搞掂手頭上既野就即刻捉我去影相,佢係無一分鐘停低既!另外,之後睇返啲相同video就見到佢捕捉到好多moment,爸爸媽媽既喊樣都capture到,因為我make speech既時候就喊得好勁,台下既人都有喊,佢都捕捉到呢啲時刻,Terence話連自己都有喊…」

新人評價:唔會佔客人便宜,好為客人著想!

「原本我係搵其他公司影pre wedding既,但有少少不愉快經歷,後來咁啱我同事個妹就識Tc,就叫我不如去試下。之後我就同我未婚夫上去睇,溝通完之後感覺都幾好,佢份人好均真,唔會話想呃你錢!返屋企諗咗一陣就決定揀佢地…」

詳細評論及價錢參考:按此

 

第3位  : Viwa Production

新人評價:配合不同習俗的新人,額外送花絮片

「花左好多心機去令到我地騰出到少少時間係屋企附近影外景,D相影得好warm好family,我係超appreciate。除左條same day edit拍得好warm,佢地仲額外送多左個服務比我地,就係將個日一D花絮拍成一條片送比我,話係比新娘既surprise…」

新人評價:對香港外景好熟悉

「因佢哋係幾有口碑嘅production,加上睇咗佢哋做wedding嘅job都唔錯,所以自己都揀咗佢哋。我講完我嘅concept,個攝影師已經好清楚掌握到我想點,例如我想要D大自然feel d嘅相同埋影我彈結他,咁佢哋好快提議去到海邊喥影可以影到romantic嘅感覺,呢D就係佢哋累積經驗而好快比到我嘅suggestion,我覺得佢哋對於香港外景同點掌握客人口味做得好好…」

詳細評論及價錢參考:按此

 

第2位  : HW Motion Story

新人評價:每條片都好獨特!價錢合理

「佢地會首先聽下我地嘅故事,又會搵好多reference嘅片俾我地睇同參考,感覺佢地都係唔想做到條條片一樣,而係真係會花心機去為每對新人預備。好專心咁執自己啲片,佢真係會趴哂係度幫我地影,認真「瞓身」!而且本身我地嘅rundown都已經好chur,佢地都無咩時間抖,得半個鐘食飯,但佢地為左幫我地影多啲,就連個好短嘅食飯時間都cut埋去…」

新人評價:人生無悔!聽到先生的心底話

「出來嘅早拍晚播我自己都好滿意,特別係出門嗰時,佢哋引導到我哋講到心裏面嘅說話,拍出嚟真實得嚟又好感動。佢哋嘅time control做得好好,而且好識捕捉我同我先生嘅互動,亦帶動咗成個拍攝氣氛,唔會出現dead air…」

詳細評論及價錢參考:按此

 

第1位  : Ivan Wong Photography

新人評價:教人擺Pose!老婆好滿意當日個妝

「影個日Ivan態度好好,會好有耐性教我地擺好多款唔同既post,我地之前都有去日本搵另一間影,咁Ivan比較上就會多好多動作建議,而且都好細心,又會係攰既時候氹我地笑!個化妝師有幫我修下眉,而老婆個妝都化得佢好滿意…」

新人評價:朝拍晚播剪接出色

「態度好好,好正面,我問佢D價錢佢都好直接講個收費係點,無話會逐樣加錢,全部都好透明同順利!佢地超準時,仲要係早到個隻,我都無expect出來個效果好成咁,可以咁感動,D鏡頭好smooth,同埋D sound mix都好配合條片…」

詳細評論及價錢參考:按此

圖片來源:攝影師專頁、新人評論

撰文:May

分類 
婚禮籌備

頁面