dinoWvideo

服務詳情

服務種類:
婚禮當日錄影
整體評分:
整體評分 
4.7
4.7分
平均消費: 本地: HK$14025 起

評語 提交評語

Bluebluesky 2016/07/19 19:06:08

Big Day當天,我哋搵咗Dino拍video,佢係幫我影pre-wedding同big day嘅攝影師介紹的。因為我哋就唔想要啲太煽情、太standard style嘅video,而攝影師都好老實咁同我講如果佢哋影番都係得啲大路嘢,所以我就想搵其他人影video,之後佢就介紹咗Dino俾我叫我考慮吓。我睇咗Dino其中一條片已經覺得直程係另一個層次,好有電影感。另外佢好鐘意航拍,片入面有好多航拍元素,睇落真係哇哇聲。我記得嗰條片應該係W Hotel,佢由西九一路影過去,又會有少少故事元素令到成件事好似電影咁,真係好靚,於是我就決定咗搵Dino喇。

我係結婚嗰日先第一次見Dino,中間一路都係Whatsapp溝通,我哋都好有信心,因為覺得De odd介紹得俾我哋都應該okay,所以turn out都好surprise,我哋大家都好信任對方。Big day當日佢一早就嚟咗我屋企,佢好有禮貌,一嚟到就同我哋打吓招。不過佢之後就比較少講嘢。其實攝錄師問個新人想要啲乜嘢video係多餘嘅,新人都未必會識答,反而無咁多planning仲好,隨心一啲更好。我哋都唔太鐘意啲形式化嘅嘢,所以都冇咩所謂,同埋最緊要大家互相信任,當然呢一樣就因人而異啦,可能有啲客人會prefer攝錄師問清楚有咩要求。Dino嘅observation好好,佢會大概觀察到我同我先生係咩類型嘅人﹑想要啲咩,條片出到嚟係好playful,好capture到我哋真實嘅一面! 我哋係喺Hotel Icon擺酒,可能佢未必太熟個場地,但係佢望咗一陣就已經知我哋應該點行﹑點樣攞啲光源等等。我係喺酒店度斟茶,可能個走廊會比較暗,但係佢都能夠處理到個背光嘅效果,出到嚟有剪影嘅效果。

其實big day當日我哋係有啲趕,因為要趕吉時,大家都會好緊張個timeline。不過Dino對佢嘅工作係有一份堅持,一定要拍得好啱佢個feel先得,例如喺間屋度行出黎嗰個shot行咗好幾次都影得唔啱佢心水,同埋未入嚟接新娘嗰陣佢會拍一啲side shots,佢拍咗好耐都未入嚟。我好欣賞佢呢份堅持,但係時間上可能要拿捏得好啲。雖然時間上有少少趕,但係到後來睇到條片就係覺得好值得,我哋都好鐘意條片,佢好capture到我哋兩個好playful嘅feel,個tone好夾我哋,同埋亦都有一啲必要嘅elements,例如戒指shot同感動位,成件事唔會一味好煽情咁,亦都會有啲笑位,真係一個屬於我哋嘅故事。

整體滿意度 
4.5
4.5分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
4
4.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
4
4.0分 (1 vote)
商戶名稱
dinoWvideo
所使用的服務 
婚禮當日攝錄
產品/服務種類 
本地
婚宴/攝影日期 
2015/12/10
是次最終消費 
HK$ 13800
Valentines 2016/06/29 20:08:14

我哋係喺網上搵到Dino,當初睇佢嘅作品係一click入去已經覺得好正。第一次見Dino佢俾我感覺係佢好穩重唔花巧,唔算多嘢講,完全冇hard-sell。佢會用佢嘅作品去sell自己,令人對佢好有信心,而佢嘅作品都好打動到我。

當中佢都有了解吓我哋有啲咩係特別想影,又或者係有啲咩係唔想影到,之後其他嘢都交俾佢決定。當日睇早拍晚播我都好忙,但係都即刻有人俾feedback我,都話好有電影感,賓客反應都好好,太太都覺得好正。

成個拍攝過程當中因為我哋大家都有啲surprise俾對方,例如我有啲表演咁,佢都影得好好,甚至中間我哋要引開對方綵排,佢都會好投入咁幫手,最後令到個surprise好成功。不過如果佢可以做多一個Facebook version就更加好喇!因為原先條片太大,根本擺唔到上Facebook,而我又想同朋友分享,唯有自己度一度點樣剪輯擺上去。不過,我哋真係好滿意Dino嘅作品!

整體滿意度 
5
5.0分 (1 vote)
服務態度--攝影/錄影前接洽 
4.5
4.5分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
4.5
4.5分 (1 vote)
價格適中 
5
5.0分 (1 vote)
商戶名稱
dinoWvideo
所使用的服務 
婚禮當日攝錄
產品/服務種類 
本地
婚宴/攝影日期 
2016/01/23
是次最終消費 
HK$ 13500
jtileung 2016/06/23 16:24:22

Dino 真係好盡能力meet我啲requirement,好似有啲人唔上得鏡佢都有幫我盡量避免,另外好開心就係佢好細心咁幫我將我最friend嗰幾朋友剪落條片到。嗱,呢個就係我覺得最奇怪既地方,佢唔知點解會知道邊個同我特別 friend,我事前絕對冇講過俾佢知嘅!另外就係當中最深刻嘅shot就係我同我啲貓影嗰啲,佢連啲貓都capture得好好﹗

Big day當日佢哋成隊crew都好好﹑好包容我,好多時候我好緊張啲時間,好彩最後都啱啱好。另外佢哋同賓客嘅互動都幾好,有時佢會「借啲意」幫我哋影多幾個 shot 入條片裡面,真係好盡力!之後聽番啲賓客講佢哋話啲shot好似拍緊電影咁,佢拍啲嘢真係好感人﹑好催淚,好多人包括我睇番都覺得好感動﹗

記得最後攞相嗰陣Dino好細心咁叫我哋帶個hard disk上去,total係有三個backup,萬一隻碟爛咗都仲有個backup,呢一點 Dino 真係好細心。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
4.5
4.5分 (1 vote)
價格適中 
5
5.0分 (1 vote)
商戶名稱
dinoWvideo
所使用的服務 
婚禮當日攝錄
婚宴/攝影日期 
2015/11/07
是次最終消費 
HK$ 13800
hdw08 2016/04/19 15:31:45

當初好多朋友結婚都已經搵Dino拍video,當時心諗橫掂已經幾pair朋友用咗Dino,雖然都真係好好,但係又唔想同朋友個啲好似咁樣,所以就諗住搵第二間。

咁我哋幫親嗰間公司影Pre Wedding同埋Big Day+video既,而我哋pre wedding 嗰package裡面都包一輯making of嘅video嘅。簡單啲講,影之前既arrangement同埋當日拍攝都好有問題,班crew直頭係會鬧情緒,真係影得好唔開心!最後都覺得一係唔試新嘢,一試就真係瀨嘢,諗諗吓覺得唔對路,無謂搏,所以都係搵返Dino行返啲穩陣路線。

Dino係一個好爽快嘅人,佢知道我哋塌咗另一間公司訂都好體諒我哋嘅處境,都平咗少少俾我哋而我哋都好多謝佢。其實我自己出門係響唐樓到出門,心底裏都覺得唐樓好似唔係咁靚咁樣,咁我就問Dino問佢會唔會有問題呀?唐樓會唔會唔係咁靚呀,佢就話唔會,只要角度掌握得好的話一樣可以影得好靚。

我男家係水上人嚟嘅,咁我入門就當然係要上船啦,當初都有擔心話影上船入門會唔會好娘呀,但係Dino當日用咗一架航拍機去拍感覺就真係好唔一樣,影出嚟個味道真係一流!

我諗好多新娘子都有呢個經歷,就係當日Big day會有好多三姑六婆唔知係邊度走晒出嚟,基本上係我婚禮裏面每一個環節都overrun,真係好亂!當日遲到嘅程度係Dino同班crew本來係有時間放break上岸食飯既。但係佢哋都真係好幫手,見我哋overrun得咁緊要佢哋都話唔上岸,堅持話要影埋先食,我哋見到咁樣都真係好唔好意思,就唯有請佢哋食艇仔粉( 一啲水上人家賣既特色粉麵)等佢哋冇咁肚餓,佢哋都毫無怨言,不過要屈就佢哋真係唔好意思。真係好多謝佢,因為嗰日天氣真係好熱,而且漁船本身係冇冷氣嘅,好侷,問佢哋要唔要小林退熱貼佢哋又話唔駛唔好顧佢哋,叫我地好好享受個過程而佢哋就係旁邊繼續拍攝。當時心諗Dino佢哋同我哋影pre wedding 間公司真係差得遠,Dino 佢哋完全唔會鬧情緒之餘仲會安撫我嘅心情,真係好感謝佢哋。

當日時間真係overrun得好緊要,我哋基本上係搞到五點幾先證完婚,所以都知道俾咗好多剪片壓力Dino,因為都知道成件事係成正比嘅, 一環遲就會引致另一環一路遲,所以最後都搞到差唔多成11點先睇到條早拍晚播嘅片。我當中都冇催佢,因為都知道我哋俾咗好大嘅時間壓力佢。雖然咁夜先睇到條片,但係我同我先生都覺得條片真係拍得好好,直頭連我自己爸爸媽媽都話自己間唐樓住咗幾十年又容容爛爛,影到咁靚都唔認得嗰間係自己屋企!

最後想提嘅就係,嗰間唐樓本來係我公公婆婆響嗰度住嘅,因為我公公婆婆都已經唔響度,所以不久嘅將來都會變賣,而所影低嘅就會係我哋未來美好嘅回憶。多謝Dino將佢化成片段,變成我哋心裏面一個好靚既寶藏。

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
4
4.0分 (1 vote)
價格適中 
4
4.0分 (1 vote)
商戶名稱
dinoWvideo
所使用的服務 
婚禮當日攝錄
產品/服務種類 
本地
婚宴/攝影日期 
2015/07/08
是次最終消費 
HK$ 13000
Yandy Chau 2016/03/03 16:29:05

我參加朋友婚禮嘅時候,發覺佢哋條video拍得好好,於是就叫佢介紹嗰攝錄師俾我。我見Dino拍得咁好就諗都無諗直接confirm佢,都記得Dino份人真係要用「和諧」嚟形容,同佢傾計覺得好舒服。我好有印象既就係 Dino 叫咗我哋預先準備一段說話講俾對方聽,因為希望可以拍到一啲深刻啲既片段.

就係呢段說話,搞到我夜晚一睇「早拍晚播」條片就喊,而我朋友睇到又喊。Dino 特登叫我同先生互相準備段說話係註冊嗰陣講俾對方聽,記得註冊嗰陣大家講既時候都已經喊緊,播返出嚟既時候真係好深刻,好touching,所以又喊。之後聽返我啲朋友講話覺得Dino拍到好似微電影咁,可以capture到好多細節,同埋啲唔靚嘅位都識得cut走,盡量有多啲靚嘅畫面,而我自己都係咁樣覺得,所以真係好多謝Dino同我拍呢條咁感動嘅片!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
dinoWvideo
所使用的服務 
婚禮當日攝錄
產品/服務種類 
本地
婚宴/攝影日期 
2015/08/14
是次最終消費 
HK$ 15800

頁面