法國婚紗攝影 France Bridal Wedding Salon

服務詳情

服務種類:
婚紗攝影
整體評分:
整體評分 
4.1
4.1分
服務/產品價格: 本地: HK$31334 起
海外: HK$28125 起

服務/套餐價格及詳情

暫未啟用

服務/套餐價格及詳情

暫未啟用

評語 提交評語

yuen2lam 2018/08/30 09:40:53

我地一直都係想去日本影婚紗相,但France Bridal嗰邊見我地咁後生,就建議我地去台灣影會顯得young啲。佢地都有比日本同台灣影既相比我地睇下,我地睇完之後都覺得ok,所以最後就揀咗台灣。我之前都見有啲人話佢地sell得好chur,但到我自己親身去傾又唔覺得喎,感覺都OK~

佢地幫我地開咗個whatsapp grp add埋化妝師、攝影師,方便我地溝通,呢樣野都幾好~~佢地啲衫都好多款,但大部分就比較成熟少少,如果可以入返啲young啲既款就更好喇~~~!!化妝都化得好好,可惜我big day本身已經搵咗化妝師,如果唔係我都想揀返佢地!因為我對眼比較難化,之前試過幾個化妝師都化到大細眼既情況,但係呢個化妝師就無!地點方面,我地係一開頭講咗幾個地方,攝影師就再幫我地揀幾個出黎影,因為一日影唔曬。最後我地去咗陽明山、台北101同埋台北一個影婚紗相既攝影基地。我覺得佢哋都好nice好friendly,成個過程都相處得好舒服。我仲記得影相個日好熱,但攝影師、化妝師、助理都寧願坐係戶外食飯,而且仲食得好快,就係為咗幫我地影多啲相,好有心~!

揀相啲時候唔會催我地,我地揀完話比佢地聽就得~~啲相既角度拎得好好,所以整體都好滿意,我地都有加錢買多啲相~~

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
5
5.0分 (1 vote)
照片/影片質素 
4
4.0分 (1 vote)
服務承諾達到 
5
5.0分 (1 vote)
價格適中 
4
4.0分 (1 vote)
商戶名稱
法國婚紗攝影
所使用的服務 
婚紗攝影
產品/服務種類 
海外
婚宴/攝影日期 
2018/05/21
是次最終消費 
HK$ 25000
TY0602 2018/08/15 11:17:15

我地去過幾次婚展,都睇過同問過唔少攝影公司,發現其他公司都幾chur,同埋會海鮮價甚至開天殺價,但係France Bridal就無呢個問題,而且態度都friendly。我地揀prague主要係因為係facebook見到有朋友去左嗰度影婚紗相,見到啲相覺得好靚,啲紅色塔頂好吸引。

我地去到嗰邊,package嘅service hour係10個鐘,我地都加左錢租埋車。佢地大概3am尼到我地酒店,影到下晝1點左右,有一個攝影師、一個助手、一個化妝同一個跟班。攝影師都好好,俾啲指示都好明確,好清楚,所以都影得好快。化妝師間唔中都有偷影下俾我地有得即時睇下啲相,不過佢化我對眼有小小高低眼,唔太對稱,好在出尼效果都ok,攝影師識攞個角度就到,影出尼啲相都唔覺。

返到尼揀相嘅時候,啲staff都係咁讚我地啲相好靚,佢地都好想俾意見我地,但係其實佢地坐係度攪到我地有啲尷尬,唔好意思唔要個啲相,要等佢地行開先敢唔要。雖然影個陣唔知點解要咁擺pose,但出到尼睇返啲相就好好,more than I expected,都好滿意!

整體滿意度 
4.5
4.5分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
4
4.0分 (1 vote)
照片/影片質素 
4.5
4.5分 (1 vote)
服務承諾達到 
5
5.0分 (1 vote)
價格適中 
4.5
4.5分 (1 vote)
商戶名稱
法國婚紗攝影
所使用的服務 
婚紗攝影
產品/服務種類 
海外
婚宴/攝影日期 
2018/06/10
是次最終消費 
HK$ 22000
giegieyuen 2018/07/30 14:55:56

初時我哋係行婚展先認識到France Bridal,我鐘意佢哋啲相唔會影到景好大,人好細。雖然我都知出去外國個景係最主要,但我唔係咁鐘意個景好大但個人就得粒豆咁細,影咗喺邊個都睇唔到。去到佢哋個booth嗰時都無諗住要即刻幫襯,想睇多幾間先,所以我哋坐底傾完同佢哋講想再睇吓先,佢都好OK,唔會係咁要留我哋同埋俾我哋慢慢考慮,已經俾咗個好印象我哋!再行咗陣婚展,都係覺得佢哋嘅員工唔會好似其他公司咁死chur,令我哋感覺最舒服,就再返咗去佢哋個booth。

開頭我哋諗去邊度影婚紗相都諗過好多地方,唯一係無諗日本嗰邊,因為1月我先生向我求婚嗰時就係喺日本,剛剛先去完唔想咁快再去。我同佢哋講本身鐘意陽光與海灘嗰類,但佢哋聽完嘅專業意見就話嗰啲地方影出黎會好似去大澳都影到,無咩特式,就提議我哋可以考慮去布拉格。我哋睇完啲相覺得布拉格好靚,同埋喺歐洲國家之中保留歷史保留得好好,有一種浪漫感。反正未去過歐洲嘅地方,就決定襯呢個機會去見識吓!

我哋覺得佢哋都俾到專業意見我哋,好似由揀酒店起已經有提我哋邊間酒店喺地點上會方便啲。例如佢建議我哋可以住喺Charles Bridge附近,之後我哋第一拍攝清晨5點幾就喺嗰邊影晚裝,變咗咁早都唔會覺得太辛苦。後來我哋先知原來嗰位攝影師長期影呢條線,好有經驗!另外化妝師Carol佢好細心,額外自己帶多咗一件lace上衣俾我著,令我個造型影出黎更好睇。嗰日好好彩又無落雨,成個攝影過程都好順!

因為我哋唔搞婚禮,所以成個結婚過程我最concern就係結婚相,所以都好緊張想快啲有相睇,不過都知道執相要幾個月先有得睇。有一樣嘢令我好感動嘅就係原來Carol佢幫我哋影咗好多相!!我之前係完全唔知!佢send返俾我哋嘅相有成百幾張咁多,而且感覺仲要係好ok唔係hea影,所以我收到嘅時候真係好開心!

整體滿意度 
4
4.0分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
4
4.0分 (1 vote)
化妝造型質素(如提供) 
4.5
4.5分 (1 vote)
照片/影片質素 
5
5.0分 (1 vote)
服務承諾達到 
3.5
3.5分 (1 vote)
價格適中 
4
4.0分 (1 vote)
商戶名稱
法國婚紗攝影
所使用的服務 
婚紗攝影
產品/服務種類 
海外
婚宴/攝影日期 
2018/05/29
是次最終消費 
HK$ 51000
YN 2017/08/21 00:52:53

開頭我本來想去日本影pre-wedding,不過男朋友唔鍾意,怕凍,所以就諗住去台灣影,又可以順便探埋朋友。我行婚展見到France Bridal有人駐場,可以即時解釋俾我聽有咩建議路線。之前我同好多公司傾過,佢哋都不約而同叫我去陽明山莊影,於是我就好奇問France Bridal點解,原來佢哋話:「梗係啦,陽明山莊一個地方搞掂,又唔洗煩,又有得住。」我覺得佢哋真係好坦白解釋俾我聽。

我輯相其實都focus一個點影哂,去咗格林婚紗攝影基地。我propose咗呢個點之後,佢哋即刻有相俾我睇,亦即刻講解攝影路線同住宿問題。因為有好多公司就係貪近,會建議我哋住台中,但係France Bridal會解釋俾我聽住台北會好啲,方便我留低喺台灣玩,佢哋係寧願佢哋就我。嗰日我知佢哋揸車都揸咗兩個幾三個鐘,佢哋寧願係我哋輕鬆啲,俾好多建議我,而唔係一尾hard sell叫我去呢度。

我係今年4月去,開頭都已經擔心台灣落雨日子會多,結果真係去到第一日就落雨。雖然落雨,不過我好開心咁啱去到格林有一隻真嘅白馬喺度,攝影師都即刻過嚟問我影唔影,我梗係影啦!而且so far呢間公司比我想像中做得更好,例如揸車嘅司機,其實我哋只係book一日,我喺入面幾個鐘其實佢有得休息,但係佢見到落雨,就主動過嚟幫我哋擔遮,幫吓助手等等。因為我哋都嗜好相近,同佢哋一齊真係好輕鬆,成個旅程都好開心,又沿路係咁介紹有咩好玩好食俾我哋聽。

我哋係上年11月join,3月佢哋就已經開咗個whatsapp group,有化妝師,攝影師同司機,亦都同我哋保持聯絡,跟進得唔錯。而化妝師都一路有問我係咩色頭髮,叫我影俾佢睇,佢會做好多準備,知道我個樣點再睇應該化咩妝。

因為我件衫係香港嗰邊嘅shop租再拎過去,影相途中整污糟咗條裙,因為隻馬污糟,又落雨,都驚佢哋扣錢。於是我即刻影相俾香港contact嗰邊,但係佢即刻覆我話:「唔緊要架,唔好擔心!」佢哋由聯絡開始都好nice。因為我有問過其他公司,覺得佢哋真係好煩。同埋我之前搵香港公司係驚喺台灣租,驚去到原來係唔靚,又或者靚嘅要即場加錢,所以我寧願喺香港拎過去,唔會話去到騎虎難下。我其實影完都留咗喺台灣幾日,佢哋都冇要我加錢去Hold衫。

我哋嘅相入面最有印象嘅係,我同男朋友著住便服一路行一路打緊交,攝影師就一下影咗。我哋係一路行一路郁手郁腳,因為我同男朋友都比較好動。攝影師喺我哋後面,見到我哋咁樣就跑跑跑去我哋前面影低咗,張相自然得嚟又好sweet。

起初都睇post見過有幾個人話呢間公司服務唔好,我亦都有朋友試過,自己都有少少擔心。不過我哋影完相,服務好啲相都靚!而且大公司始終有保障,只要講清楚自己要求,溝通得好就應該唔會有問題。

整體滿意度 
4.5
4.5分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
4.5
4.5分 (1 vote)
照片/影片質素 
4
4.0分 (1 vote)
服務承諾達到 
5
5.0分 (1 vote)
價格適中 
4
4.0分 (1 vote)
商戶名稱
法國婚紗攝影
所使用的服務 
婚紗攝影
產品/服務種類 
海外
婚宴/攝影日期 
2017/04/25
是次最終消費 
HK$ 14500
法國婚紗攝影 2017/08/24 17:55:14

多謝你既評語,我地既團隊會繼續努力!

M&L 2015/07/17 11:29:22

因為有Friend影過,佢話ok咁咪跟住試下。我地係婚紗展搵到佢地,因為有另一間酒店既芝柏$5380既Coupon,俾佢所以可以平$1000。其實婚展好似會平啲,但最後都係會洗番晒咁多錢。

其實之前傾過兩屆婚展,溝通既時候都ok,咁即場落埋訂。由同事Angela幫我地,佢服務ok既,俾晒唔同既相啊、想點影啊、去邊度邊度啊,又同你講成日個流程大概會係點走啊咁,有講得好清楚既,所以就決定好,係個度俾埋。

到影之前,中間既溝通其實係幾次電話架咋,同我地約時間囉,confirm日子同幾多點去到等化妝咁個啲。溝通流程由Gigi同Angela負責,都ok既,一個負責lead,另一個係隔離幫下咁既,當時都買得開心既,埋單$7988。

我地係攝影前揀衫,男裝選擇極少,一眼睇晒,好核突而且殘,揀唔落手。而女裝選擇多既,但佢有分開架,唔洗加錢既佢有一堆,另外要加錢既佢又有一堆,靚啲個啲好多都要加錢,所以感覺係迫住要而加錢男裝好啲既款仲要加多啲。我地事先又唔知要加錢既,又唔知咁少選擇,都幾surprise。因為佢sale既時候都有俾我哋睇過啲裙既,咁有睇過女裝,就覺得女裝有啲都ok,佢個時有啲有講邊啲加錢,但只限女裝,另外就知道係有啲男裝揀。但我地無諗過佢男裝咁核突,諗住差極都有個譜架嘛,得個10件到,款式少,質素又唔得,我地真係覺得著自己個套出去好過。我地要求好簡單姐,佢地連SIZE都無。我地最後女裝無加錢,係唔洗加錢個堆揀。而男裝加衫要$1400,連花球、襟花同girdle用左$2686,又要分開俾錢。新娘試妝用左$500,要一早俾定,make sure新娘個日可以化妝,話可以結婚個日用番,但我地最後無用到,蝕左俾佢。最後落樓洗左$31334。

後來買相又用左$20160。因為佢頭頭係婚展係話包一本相簿,而上到佢舖頭睇到實物呢係好核突既!婚展同舖頭個本好似兩回事咁,我地唔係幾接受到,跟住佢拎左本好靚既出黎,佢sale我地好似磁石,可以一塊塊黐相上去既,砌圖咁既,我地又買左。之後又買多左幅畫,加大幅畫用左$480。另外,簽名布加左錢,相簿好細又upgrade左,又揀爆左相要加相。本來都無話諗過$7988係落到樓,但都無諗過要多咁多。

到攝影當日,一早去到化妝、換衫,去山頂、HKU同埋赤柱影。當日租車仲要自己俾,through佢地book,司機都係自己俾,佢一開始婚展都有講定既,俾左$1700。有一個助手,一個攝影師,一個化妝跟住,都正常既。影相既流程都ok,攝影師都有諗話夜晚影邊到靚啲囉,日頭係邊啲地方影會好啲,都幾好既。攝影師又會教晒你點擺pose,咁我地又唔係成日影相既人,都係個啲standard pose架喇,但影出黎都ok既。

我地1月19號影相,之後影完一個星期多啲就可以揀相,都幾快,但就未執既,揀邊啲擺係相簿,邊啲擺簽名布,邊啲用黎做油畫。個plan本來包左60張,我地影左200幾張,咁問我地要唔要晒啲底,我地揀左100幾張。個日都同我地講邊本相簿靚啲呀,大啲呀,又話玻璃面呀,就係個日sale個啲。佢就懶係著數咁話買晒呢啲就會俾晒全部相既底你地,個手法都ok既,唔係話好hard sell,無話反感。但執相同拎相簿個啲就耐啲,差唔多6個月到,比原本提早左少少。執好晒之前無睇過就直接拎左相簿,最後本相簿係靚既。

我地覺得要有心理準備,會有好多hidden charges,一係問清楚,一係自己預左,婚展好似好抵,但最後你會俾多左好多好多錢,睇你有幾重視個pre-wedding。因為本來我地覺得求其有就得,但最後發覺質真係好重要,所以過唔到自己嗰關而加多咗錢。

整體滿意度 
3
3.0分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
4
4.0分 (1 vote)
化妝造型質素(如提供) 
4
4.0分 (1 vote)
照片/影片質素 
3
3.0分 (1 vote)
服務承諾達到 
4
4.0分 (1 vote)
價格適中 
2
2.0分 (1 vote)
商戶名稱
法國婚紗攝影
所使用的服務 
婚紗攝影
產品/服務種類 
本地
婚宴/攝影日期 
2014/01/19
是次最終消費 
HK$ 31334