Hello Chef

服務詳情

服務種類:
婚紗攝影
婚禮當日攝錄
整體評分:
整體評分 
0
0分
整體評分 
4.65
4.7分
平均消費: 本地: HK$19800 起

評語 提交評語

winter2016 2017/06/27 08:54:58

其實我有問過好多唔同公司拎rate card或者睇相,篩選最後有兩三間,HelloChef係其中一間。我覺得自己想要嘅嘢佢做到,我唔需要好誇張好華麗,佢影到好自然寫實嘅感覺,我就係鍾意呢啲。

我係喺facebook留message俾佢,佢就叫我whatsapp佢,我就whatsapp佢問details,之後再電話聯絡。我哋冇見面就confrim, 再俾咗deposit 。其實我哋搵佢哋搵得比較急,所以喺短時間內有好多嘢要準備。而before big day,我哋有傾過一個幾長嘅電話講當天流程。

到攝影當日,佢哋都會提點吓我哋點行,幾快幾慢,個表情要點樣,咁佢哋會影得好啲。我覺得個video都幾特別。因為我係做露天outdoor花園婚禮,佢影咗個航拍,我覺得幾靚,因為佢之前都冇同我講有呢樣嘢。係到佢播出條片,我就見到有航拍好靚,啲嘉賓都覺得好靚。相方面我哋冇拎相薄,淨係要相嘅soft copy。我鍾意佢哋影嘅黑白snapshot,比較特別。我都好滿意佢哋當日嘅表現。

整體滿意度 
4.5
4.5分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
4.5
4.5分 (1 vote)
服務承諾達到 
5
5.0分 (1 vote)
價格適中 
4
4.0分 (1 vote)
商戶名稱
Hello Chef
所使用的服務 
婚禮當日攝錄
產品/服務種類 
本地
婚宴/攝影日期 
2016/11/18
是次最終消費 
HK$ 16000
blau 2017/06/14 21:32:44

我其中一個姊妹係HelloChef攝影師阿Don嘅親戚,所以都係朋友之間嘅介紹,再加上我係識佢哋化妝師先嘅,都聽佢哋講過其實佢哋經常有拍開一個攝影師,所以知道有佢哋。咁當然有認識嘅,梗係想搵啲自己識嘅,唔想搵啲完全冇見過佢做嘢嘅公司。加上我姊妹當日可以同佢哋聯絡溝通會容易啲,所以就搵咗佢哋。其實我pre-wedding係用另外一間朋友介紹嘅,不過因為佢哋冇期。之後我哋都再compare咗三四間,就決定用HelloChef。我睇佢哋之前嘅相會覺得佢哋style係比較自然啲。

我哋都問哂期同埋價錢先見面,見面時,佢哋都有分享過佢哋之前做法係點樣,同埋都會問我哋當日嘅流程係點,佢都會俾advice我哋。佢哋都冇特別好多selling喺入面,可能始終都係朋友介紹,佢都係純粹傾下計,瞭解下大家做法係點樣。

其實佢哋都做好多Wedding,一傾就覺得佢哋好熟啲rundown要點做。佢俾過嘅advice入面,比較特別啲嘅係,因為我哋出門嘅時候係喺村屋度,我哋唔係太知佢哋點樣就位,本身我哋諗住喺二樓做儀式,佢就好好咁俾建議我哋,話因為樓上樓下係親戚,影相想個角度好啲同氣氛好啲,就建議我哋不如諗遊戲嘅時候可以喺地下玩遊戲,有人喺二樓掟啲嘢落嚟俾佢哋接,成個感覺都好唔同。因為如果全部人上哂樓上,因為樓上空間有限,影出嚟都冇咁靚。佢就好creative,建議我哋喺樓下玩遊戲,我就企喺樓上露台度望落去睇佢哋玩遊戲,又可以諗一啲遊戲係樓上同樓下係有互動。我哋接受咗佢建議,玩遊戲嘅時候空間感好好多,佢拍出嚟都好靚。同埋佢有兩個v,一個可以喺哋下拍,一個可以喺樓上拍,咁就多角度啲。

呢啲都係go through個rundown嗰時講,因為講起話朝早就喺嗰度接新娘同玩遊戲,佢就問多咗少少,我哋樓上樓下有冇哋方可以方便大家活動。佢咁問我就話樓上樓下其實可以flexible啲,佢就建議我哋咁樣做。我哋個遊戲好好玩架,其中一個就係兄弟將老公抬起,有兩個姊妹掟啲字條落去,其實係一啲問題嚟嘅,例如問我哋幾時識呀咁樣,老公就要接住啲字條。阿Don佢哋應變都好好,佢哋見到我哋準備啲字條嘅時候,提我哋摺到好似竹蜻蜓形狀咁,就容易掟落去接到,本身我哋諗住就咁摺埋張紙飛落去就算,我覺得佢哋除咗事前會幫你諗,到現場佢哋都好細心,幫我哋諗點樣個效果會好啲。

佢哋全日都跟得好足,玩遊戲到斟茶都有幫手搞下氣氛,都會一齊講吓恭賀說話等個氣氛熱鬧啲。到咗夜晚我唔係好多時間可以同佢哋接觸,但佢哋其實都好好,因為我哋都多圍數,三十圍以上,我哋都好擔心影相會混亂。佢哋就好好,佢哋有2P2V加個assistant,人手好夠,影大合照都好smooth。我睇返啲相,雖然當日個節奏好急,但係佢都影得好好。我哋喺美麗華擺,佢哋都好熟個場,都喺嗰度影過,panel啲位佢哋都熟,完全唔需要擔心佢哋喺邊度剪片等等。同埋佢都預到個位,都知道哂backdrop尺寸。

我覺得佢哋overall都好好,不過可能佢哋比較忙,所以有時未必好快可以catch up到,我估佢哋係人手上面有啲緊張。例如成長片段,其實佢都整得好好,佢都係有心思整,整到好似facebook timeline咁,slideshow個format都幾creative,但可能要問一問佢ready未,佢未必可以catch up到一定係嗰個時間俾到你,但overall都好好。

整體滿意度 
4.5
4.5分 (1 vote)
服務態度--攝影/錄影前接洽 
4.5
4.5分 (1 vote)
服務態度--攝影/錄影當日 
5
5.0分 (1 vote)
照片/影片質素 
4.5
4.5分 (1 vote)
服務承諾達到 
4.5
4.5分 (1 vote)
價格適中 
5
5.0分 (1 vote)
商戶名稱
Hello Chef
所使用的服務 
婚禮當日攝錄
產品/服務種類 
本地
婚宴/攝影日期 
2017/01/02
是次最終消費 
HK$ 22000
ConnieTsui 2017/05/26 18:48:43

搵到到Hello Chef係因為當初有一個師兄喺嗰度做打燈師。嗰時我見我師兄做開同婚禮有關嘅行業,就諗住搵佢問吓籌備婚禮嘅細節。後來傾傾吓,我師兄就提議我不如直接同佢老闆Don傾吓。

我記得一去到佢哋studio就覺得佢哋成team人好似一家人,感覺好融洽!我即刻覺得呢種就係我好想搵到嘅感覺同服務態度,因為我覺得咁樣大家都應該會合作得好舒服。之後睇阿Don嘅作品都覺得佢影得唔錯,而且師兄又喺度做,應該唔會揀錯架喇,所以就決定用佢哋。之後傾細節嘢都主要係同Don傾,而成長片段就由Tim跟進。我覺得Tim佢跟得好好,又提我哋交相,出到嚟條片嘅質素又好好。其實我好有印象嘅就係我哋同佢講過想用幼稚園相做成長片段嘅開始,佢哋唔止有聽到,而且做出嚟嘅效果好好,係我哋心目中想要嘅嘢。

另外,Don同Tim都俾好咗好多意見我哋可以點籌備婚禮。我印象特別深刻嘅係我一直都唔知原來回門嗰時要戴埋嫁妝同一套自己著開嘅衫返去,係Don佢提我哋要記得做。不過到咗Big Day當日,佢提完我之後我竟然又唔記得咗帶,真係勁大懵> <!我記得我聽完講解,喺佢哋office度出嚟嗰時,我仲同我老公講︰「好在搵到阿Don!佢真係提咗我哋太多我哋唔識嘅嘢喇!」始終又無結過婚,好多禮節嘢都真係唔知要做或點做,真係多得佢哋提點我哋,不過可惜最後都係衰在自己大懵啦!但係book佢哋有一樣要注意嘅係佢哋真係好忙,有時有啲溝通上嘅嘢都未必即刻覆到,可能要等耐少少先有回覆,不過就唔使擔心佢哋唔覆嘅。我都明白佢哋真係好忙,不過回覆方面可以快返少少相信成個服務體驗會更好。

到Big day當日, 佢哋成team人時間都掌握得好好,所以各個環節都好順暢,佢哋會一直幫我哋Keep 時間。特別想讚嘅係我哋原本約咗佢哋8點半,但佢哋竟然仲早到咗。作為新人唔單止唔使擔心佢哋遲到,反而仲surprise佢哋早到,真係覺得要讚吓佢哋!仲有其中一個我好記得嘅片段,就係嗰日我朋友阿翠幫我哋撐紅傘,佢哋就叫我朋友做「翠紅姐(遮)」(起咗個花名),我覺得佢哋搞氣氛真係有一手!我真係好多謝Hello Chef咁上心去幫我哋籌備婚禮細節同埋影相,我真係好滿意好滿意!

最後想俾各位新人一啲自己嘅小意見:
其實婚展我行咗好多次,但入到去真係搵唔到啱嘅嘢,因為個個攝影師都好似想搵你埋嚟落單咁,感覺真係唔係咁好。所以喺呢度都想鼓勵各位新人考慮用吓細舖,我自己婚禮都係全部用細舖,感覺對佢哋嘅出品比大舖更有信心。

整體滿意度 
4.5
4.5分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
4.5
4.5分 (1 vote)
照片/影片質素 
4
4.0分 (1 vote)
服務承諾達到 
5
5.0分 (1 vote)
價格適中 
4
4.0分 (1 vote)
商戶名稱
Hello Chef
所使用的服務 
婚禮當日攝錄
產品/服務種類 
本地
婚宴/攝影日期 
2017/01/06
是次最終消費 
HK$ 19000
AC 2016/08/09 12:50:31

當初搵攝影師真係搵咗好耐,我哋都上咗好多好多studio睇相,但係睇完都唔滿意,直到朋友介紹呢間就決定見多一間。初次見嘅時候阿Don佢唔會講好多說話去吸引你,唔似得其他好sell嗰啲攝影師,睇埋佢啲video就真係好肯定我哋搵啱人,咁就決定將我哋大日子交俾佢喇!

到咗big day當日,第一個印象就係覺得佢好專業同埋好有禮貌,好似我太太嘅爸爸係聽嘢唔係好奇清楚既,好多人可能就嫌煩影其他shot就算,但阿Don都知道我哋會好想有爸爸既相,佢就特登花時間喺佢耳邊同佢講,慢慢,慢慢咁教佢。我哋留意到佢呢點真係好 impress,覺得佢真係人品真係好好。

講攝影阿Don就真係好專業,而且會配合你時間嘅要求,我諗唯一一樣可以改善就係佢真係可能要搵多個人幫佢做吓聯絡。都唔係話有咩問題,只不過怕佢做咁多真係太辛苦喇,請個人幫佢打點吓就更好了。

整體滿意度 
5
5.0分 (1 vote)
服務態度--攝影/錄影前接洽 
2.5
2.5分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Hello Chef
所使用的服務 
婚禮當日攝錄
產品/服務種類 
本地
婚宴/攝影日期 
2015/12/12
是次最終消費 
HK$ 16800
Kuku1437 2016/06/30 15:05:24

當初揀HelloChef係上網搵到佢哋,本身都shortlist咗幾間但係都冇期,其實本身都認識HelloChef,睇過佢哋啲片,都覺得幾好。揀Big Day 同揀 Pre Wedding 好唔同,一定要搵一間較多年資既,始終Pre-wedding可以影好多次,但係big day只有一次,所以都要好謹慎咁揀!
銷售嘅時候佢唔會好hard-sell,都好詳盡咁介紹佢哋嘅服務,我揀咗2P2V嘅package,再加一個assistant。當時confirm係半年前,喺籌備嘅過程當中佢都有俾好多意見我哋,好多嘢我哋係喺結婚前兩至三個月先firm到,例如出門﹑路線嗰啲。當日我哋係「凌晨」!!係,係凌晨!!因為我先生鄉下大部份都係要响呢啲時間出門!Don隊crew知道都好幫到手,我哋大家都未試過咁早,覺得好新鮮~! 而Don都好配合我哋,講真由凌晨四點幾一路到第二日夜晚係好辛苦,咁我哋就有商量過,睇吓可唔可以盡量俾啲crew分開兩段時間,可能喺斟茶之後休息吓先。
當日我哋喺W Hotel出門,就咁啱嗰日好多pair新人,但係因為我哋一早大天光就搞掂咗所以可以避開人潮。W Hotel有間房專係出門用,但係太細間,所以我哋加錢upgrade咗,點知啲燈又好暗,都幾難影。之後我哋發現原來盞燈壞咗,好彩之前一晚已經發現,佢都及時整到俾我,但係最後都係偏暗。另外個牆係橙橙哋色,decoration個囍字都唔係幾睇到,而呢啲細微嘢我都預先同攝影師講聲先,等佢可以準備,佢就即刻拎咗三盞好光嘅燈嚟,都真係好有用。所以要提醒一下大家,預先視察環境真係好重要!
另外big day攝影儀器係幾重要,好似佢哋有一個架係用嚟保持平衡,就唔係好似出面嗰啲又或者係自己拍嗰啲咁會手震,佢哋喺器材方面係掌握得幾好。
當日佢哋同賓客嘅互動真係非常好,好有禮貌,我啲姊妹都好鐘意,直程同佢哋打成一片咁。其實影big day經驗都好重要,可能有時一個家族都好多人,可能個佈景板先啱啱好企滿啲人,佢哋都影到哂所有人,呢一點我真係好欣賞,特別係因為呢啲相真係得一次機會影,冇得再影番。另外佢哋隊crew入面有一個攝影師都好親切,叫啲賓客笑嘅時候佢真係跟住一齊笑,好成功咁帶動咗個氣氛。
最後我哋加上屋企人都好滿意,大家都覺得啲相影得幾好。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
4.5
4.5分 (1 vote)
服務承諾達到 
5
5.0分 (1 vote)
價格適中 
4.5
4.5分 (1 vote)
商戶名稱
Hello Chef
所使用的服務 
婚禮當日攝錄
產品/服務種類 
本地
婚宴/攝影日期 
2015/11/14
是次最終消費 
HK$ 22000

頁面