Joseph Photo

服務詳情

服務種類:
婚紗攝影
婚禮當日攝錄
家庭攝影
整體評分:
整體評分 
4.5
4.5分
整體評分 
3.75
3.8分
整體評分 
0
0分
服務/產品價格: 海外: HK$60000 起 本地: HK$18000 起

照片集

影片集

服務/套餐價格及詳情

服務/套餐名稱: 
香港/澳門婚紗攝影
服務/套餐價格 
HK$17,980/起

服務/套餐價格及詳情

服務/套餐名稱: 
歐洲婚紗攝影 Europe
服務/套餐價格 
HK$39,980/起
服務/套餐名稱: 
亞洲婚紗攝影 Asia
服務/套餐價格 
HK$29,980/起

服務/套餐價格及詳情

服務/套餐名稱: 
香港婚禮攝錄
服務/套餐價格 
HK$16,980/起
服務/套餐名稱: 
峇里婚禮
服務/套餐價格 
HK$23,800/起
服務/套餐名稱: 
日本婚禮儀式
服務/套餐價格 
HK$18,800/起

服務/套餐價格及詳情

服務/套餐名稱: 
畢業/家庭相拍攝
服務/套餐價格 
HK$880/起

評語 提交評語

Anpanman1227 2018/04/24 19:08:23

我喺fb見佢地D相好靚,本身想搵佢地影pre wedding但無期,咁就big day啦!我expectation係高,心諗想要翻佢地係fb post個D質素既,例如兄弟姊妹會唔會多D活潑相,點知之後睇翻big day D相呢,佢話天氣個日唔好,所以比較少外景相,係室內相比較多,我都明白既,但係呢,可以係酒店大堂個D地方影而佢又無話可以影,搞到就好似浪費左D時間!我係完全揀唔到相,我有同佢地反映過我失望。但翻來感覺真係唔太好,D相爆晒光,我覺得係不能接受,俾我之前又唔會執相!

整體滿意度 
2.5
2.5分 (1 vote)
服務態度--攝影/錄影前接洽 
3.5
3.5分 (1 vote)
服務態度--攝影/錄影當日 
3
3.0分 (1 vote)
照片/影片質素 
2.5
2.5分 (1 vote)
服務承諾達到 
2.5
2.5分 (1 vote)
價格適中 
2.5
2.5分 (1 vote)
商戶名稱
Joseph Photo
所使用的服務 
婚禮當日攝錄
產品/服務種類 
本地
婚宴/攝影日期 
2018/01/09
是次最終消費 
HK$ 18000
LCWR 2017/02/25 20:58:32

其實一直以嚟,我同好多女仔一樣,都有公主夢,而我嘅公主夢就係好想去天鵝堡影婚紗相,因為我覺得真係好浪漫。去到婚展嘅時候,我見到有間攝影公司準備開一個團去天鵝堡拍攝,我一聽到已經好心動,所以我就坐低咗。不過Joseph Photo就話攝影師新開咗條線,嗰一刻係未知會係邊位攝影師負責,而且如果係我哋會係第一pair去影,所以當時係冇相版睇。嗰一刻我係有猶豫嘅,搵其他攝影師影起碼有個信任,知佢哋啲相係點樣,而且我又唔知佢咃係咪大公司,所以都有點擔心。不過,因為個location實在太太太吸引,我考慮完之後都join咗!

其實佢有俾我揀16年定17年去嘅,最後我哋揀咗就6年十月去。我哋先去德國玩十日先,最後先去影相。不過,影相前一日落雨,之後就真係好擔心,驚第二日都會落雨,幸好佢落咗一陣雨就停咗。而我拍攝當日除咗朝早有少少霧之外,當日係天晴嘅。

我哋分兩日拍攝,第一日先去壁畫村(奧巴馬村) ,再去天鵝堡。壁畫村嗰度滿山紅葉,我影相嗰兩日仲要撞正係紅葉最靚嗰兩日,橙橙地紅紅真係好靚!之後,我哋就去,第一日去天鵝堡,呢個完全係一個公主嘅旅程,真係好夢幻! 其實出發前,我已經上網睇定邊啲地點影相靚,但攝影師之前應該嚟過睇景,比我更早做晒功課。佢哋都係容易夾嘅,好似我想影啲咩佢都會肯俾我哋影。我係上咗山影先,我哋沿途慢慢行上個天鵝堡度,有一個位係公主最浪漫嘅地方,係堡入面有個大鐘(係可以入去入面)。不過,有啲可惜就係我咁啱撞正天鵝堡莉前面裝修,但幸好瑪麗安橋已經開返有得影。影完瑪麗安橋我先行番上去天鵝堡影,因為我好鐘意坐喺樓梯影相,而攝影師都有因應我要求影樓梯。我喺個大鐘下面跳舞都影到出嚟,有轉圈跳舞嘅相,真係好開心! 加埋套婚紗真係覺得好似公主咁,一路行上去覺得「咦點解好似喺童話裏面咁嘅?」個代入感真係好強烈。嗰度啲人又好nice,喺城堡樓下跳舞影嗰陣其實啲人係讓開俾我哋影。天鵝堡嗰邊就冇咩人影pre-wedding嘅,但係沿途都會見到有。不過我影完落番去行過見到瑪麗安橋嗰陣我就見到已經好多人,但攝影師技術好好,好識就位,D相都冇咩話影到途人。落番嚟嗰陣我係搭馬車落嚟,搭馬車就唔係好貴,三歐羅一個人。途中,攝影師同化妝師都不斷有幫我哋影相,個拉車叔叔都好好人,叫啲人走開俾我哋兩個坐車頭,又好nice咁等啲人走晒都俾我哋兩個自己影一陣。除咗去天鵝堡我又有去到天鵝湖嘅,佢哋都好細心有帶定啲食物例如啲餅咁等我哋可以餵到天鵝,有啲天鵝見到零食係會過嚟,你又可以同佢哋玩,最後真係影到餵天鵝嘅相。

攝影師細Sam好似馬騮,佢好專業,會幫你攞最好嘅角度,同埋佢會行得快啲,可能有啲人就會唔鐘意啦,但係佢係行得比我哋快一截嘅,又會一路沿途同我哋度位影。佢真係好搏,好似有啲高位佢覺得靚,佢唔介意去行少少同我影落嚟。我哋都叫佢唔好咁危險啦,但佢都可以隨身袋住兩三支鏡頭好快上去同我影,都係為咗幫我哋影到靚景,等我哋可以影得晒。同埋佢會就番黃昏magic hour,會提我哋「快啲啦快啲啦」盡量就番時間幫我哋影,佢真係希望客人可以有一份好嘅回憶。

化妝方面,化妝師Joanne臨上機前一日已經問咗我有啲咩係鐘意架,我就同佢講我鐘意用鮮花整頭,佢真係準備得好齊全。拍攝當天,佢攞過嚟嘅嘢真係唔輕,雖然我已經自備嘅鮮花,但佢都有準備一啲仿真度好高嘅假花﹑頭飾﹑仲有好多對耳環俾我。而當日拍攝嘅這型,佢可以整到成個頭好似花環咁樣,我真係好開心。其實我自己都做開婚紗demo,但真係冇諗過有一個人會為咗影個pre-wedding會準備得咁齊全,同埋佢聽到我想要啲咩佢真係會去prepare同去諗,呢樣嘢我真係好驚訝。另外,佢化妝化得好靚,又唔會好厚粉,係一張化妝綿可以印走晒啲嘢,眼睫毛嗰啲唔會重啦。我本身都唔係太鐘意化妝,但係Joanne化到係落妝嘅時候可以咁少,就覺得佢真係落咗好少嘢俾我喎,令到我呢啲咁錫皮膚嘅人覺得個心真係舒服。我都有轉妝嘅,要cool有cool,要sweet有sweet,要童話有童話。

除咗婚紗,我自己有帶多套便服,去到第二日影咗相,中途佢問我哋有冇嘢仲想影,我就話「不如去番壁畫分明村嗰度,嗰度有啲小紅帽好靚」,估唔到佢哋真係個幾鐘頭都陪你去影,冇話影到五點六點就話要收工咁。我都聽過好多朋友話可能要請攝影師食餐飯咁,但係佢哋又冇,影完會話「你哋快啲番去啦我哋搞得掂架喇」,佢哋又唔會去count你嗰一餐飯。有時我問佢哋「你哋食唔食早餐呀」,即係其實都想多謝番佢哋,因為兩日要爬喛爬去又拎住咁多嘢都好攰,除咗攝影師辛苦化妝師其實都辛苦,因為佢又幫我拎住件褸又拎高爭鞋,佢係一直咁幫我。

總括嚟講我會覺得你真係要同化妝師傾,唔好介意佢講你想要啲咩,因為嗰個真係你嘅pre-wedding photo,咁你都想唔係就其他人而係就番你自己,咁我覺得溝通係好重要嘅。即使你搵唔到啲reference photo俾人哋都好啦,都講番你自己鐘意嘅嘢,咁樣你可能會有啲驚喜囉。今次真係一個surprise嚟,都冇諗過佢會帶咁多嘢。另外天氣就冇得避嘅,信任多啲你嘅攝影師啦,就算落雨佢哋都有方法嘅。因為其實我哋第二日朝早係落雨嘅,我哋去咗個瀑布嘅時候係落雨,我都覺得「死啦落雨都影唔到」,但係最後都影到呀,佢有心幫你影嘅話其實一定係靚。

揀相方面都okay,我都估唔到自己揀咗咁多相,都好難揀。佢都有準備到幾張係佢color tune咗同埋未color tune,有啲攝影師係只會俾輯原相你揀,佢就係幫我tune咗少少色先嘅,其實已經有少少唔同,起碼佢哋肯做咗少少功夫先。我嗰度都成800張相,佢要tune 800張相俾我揀,雖然唔係執相,但係佢哋係有heart架,同埋佢哋tune得都快,影完唔知第一定第二個禮拜我已經係有相睇。Tune完相佢都有俾番晒soft copy我,呢個係好難得嘅。我都揀咗幾百張相,都唔少架,但係真係值得,因為呢輯真係好靚!

整體滿意度 
4.5
4.5分 (1 vote)
服務態度--攝影/錄影前接洽 
3.5
3.5分 (1 vote)
服務態度--攝影/錄影當日 
4.5
4.5分 (1 vote)
化妝造型質素(如提供) 
4
4.0分 (1 vote)
照片/影片質素 
4.5
4.5分 (1 vote)
服務承諾達到 
4.5
4.5分 (1 vote)
價格適中 
4
4.0分 (1 vote)
商戶名稱
Joseph Photo
所使用的服務 
婚紗攝影
產品/服務種類 
海外
婚宴/攝影日期 
2016/10/20
是次最終消費 
HK$ 60000
j_yl 2016/06/14 18:14:46

我在香港住了都快九年但都不是太认识香港的摄影师,而有一次参加朋友的婚礼 Joseph 就是他们的摄影师。后来问一下我的那个朋友他们都很推荐 Joseph 的服务和照片的水准,而我当时都看过好几位的摄影师,有一位做那些「老香港」类型的拍摄风格都挺不错,但是当我们衡量到Big Day的摄影水准,对大场景的掌握和控场,我们都觉得 Joseph 真的是拿捏得最好和最富经验的。

我们婚礼是在 Bali 岛别墅酒店 The Edge举行,Joseph为了更准确的准备我们 Big Day 的拍摄,他很用心的和我们一起编排和整理当日的行程,而所有的建议都很帮得到我们,都很有意义。很记得的是Joseph在编写行程中,他都很会留意当中的时间点,譬如说什么时候是夕阳,光线什么时候最棒,而看着这些时间点把婚礼的各种编排一一跟着排好。当中还会帮我们留意譬如说cocktail的时候新娘可以稍为休息,去补补妆,把时间操控得最完美而让宾客,新人和摄影师团队配合得宜。

我们不是举行一般的教堂或者是酒店婚礼,我们是那种在悬崖端上的室外婚礼。 Joseph 都好好了解到因为场地的理由,都会建议我们挑选一些比较优雅简单的礼服,而那种隆重或款色太复杂的他都会建议我们尽量避免。到达了现场就真的感觉到我们服饰和现场情境的搭配,到现在我们都很感谢他的这个建议,真的是非常正确!

在我来讲,一个好的摄影师是应该要有能力补捉重要的 moment,但有质素的摄影师更应该要有能力去「创造」那个 moment! Joseph 的团队就很会带动大家,把大家最自然,最感动的一刻都带动到,把气氛「造」出来而都有好好的拍摄到。另外就是我很满意他们的构图和角度的补捉, 特别是有一些场景,他们都会为了拍摄到那些场景的特色而用一些长镜头或广角镜的手法去拍摄,当中更不乏一些 high tech 一点的技巧,譬如时无人机,空中 overview 的拍摄,而出来的效果真的是非常好!

最后都要提一下一张我们很深印象的照片,那是一张我们穿传统的裙褂站在悬崖上拿蓝天做背景的照片。照片中那片蓝天很大气的把我们衬托出来;颜色的对比, color contract 都非常 dramatic, 很震撼;我们表情的补捉,那种sweetness 都完整的呈现出来,整张照片都非常 standout!而当我们后来归还裙褂给冠南华的时候他们都问我们有没有结婚的照片让他们看,当时我们让他们员工看我们这张照片他们都非常喜欢,都很希望我们可以提供这张照片给他们放在他们的网页当中。

老实说,其实 Joseph 他们价格并不便宜,但当我看到这张照片的时候我就深深觉得,一切都真的是值得的。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
4.5
4.5分 (1 vote)
商戶名稱
Joseph Photo
所使用的服務 
婚禮當日攝錄
產品/服務種類 
海外
婚宴/攝影日期 
2016/05/08
是次最終消費 
HK$ 60000
Joseph Photo 2016/12/08 17:09:00

從第一次見到Lisa和你,就知道你哋係對婚紗及婚禮有着美麗憧景,再從京都及香港婚紗拍攝看到James為對方准備的心思。老實說,開初我覺得呢個新郎點解有咁多要求嘅!因為通常係新娘查詢多啲。:)  一路溝通下來真係俾你誠意感動,一位工作上成功的男仕對婚禮過程的投入及處處為對方著想而呢啲著想仲包括每一位婚禮上嘅工作人員,非常難得!峇里婚禮感覺完美,當中包括場地的安排,婚禮人員安排策劃,加上5月的藍天,60位至親好友嘅到來,每一個祝福嘅笑臉,一切一切,都記錄在我哋鏡頭內面。 好開心可以參與你哋嘅重要時刻,借用你們誓言里的一句祝福:完滿人生!