LA-VIE Photography

服務詳情

服務種類:
婚紗攝影
婚禮當日攝錄
整體評分:
整體評分 
4.8
4.8分
整體評分 
0
0分
服務/產品價格: 海外: HK$29667 起

服務/套餐價格及詳情

暫未啟用

服務/套餐價格及詳情

暫未啟用

評語 提交評語

lamwwy 2018/05/13 11:38:18

一直以來都好鐘意日本,之前又試過去日本留學,一直都好想響日本影pre-wedding,而且我地預咗2016年3月尾去影,想影埋櫻花,最後搵到呢間。同我地接洽嘅Sales係台灣人Mike,其實未去婚展前我都響網站上同佢keep contact,佢一直都跟得好足,例如會主動問我地想去日本邊到,同埋想要一啲咩感覺嘅相。

我本身想去京都一啲古色古香嘅地方,Mike都有同我地建議,話3月係當地嘅旅遊旺季,遊人會較多,而且京都嘅路相對較窄,拍車較難,再加上佢地有向我地展示一啲樣本相,見到大阪同奈良都有同我心目中風格相近嘅地方,去到奈良仲可以同鹿合照,所以就轉咗去大阪同奈良。

佢地公司其實仲提供日本唔同地方,我地就想去關西地區,客人揀咗地點之後佢地就會幫客人安排行程,除咗大阪同奈良兩個公園,佢地仲安排咗我地去奈良若草山上影黃昏,當然佢地都會提出建議,點樣安排行程最順路。我地揀咗去大阪一個冇咁出名嘅公園入邊影,入面仲有間和室添!

我地買嘅Package包咗一套和服同一套西服,分別上下午拍攝,風格亦都唔同,之後仲on top加咗夜景拍攝服務,所以可以揀攝影師。我地揀咗Hayato san,佢嘅風格較溫馨同warm,好鐘意。雖然攝影師係日本人,翻譯就係講英文,但因為我識少少日文,同埋佢嘅指示都好清晣,拍攝過程都算順利。而且攝影師為咗要攞個靚啲嘅角度,都唔介意爬落去湖入面啲石上面攞景。其實出發前我地已經講好哂我地嘅要求,例如老公想扮武士,佢地都安排好道具,完全影到我地心目中嘅風格出嚟。

拍攝有少許阻滯,主要係因為塞車,但無阻拍攝進度,為咗趕進度佢地都冇休息到,仲主動話可以再繼續拍,補咗啲其他shot,最後佢地嘅工作時數比預計多咗一個多小時添,而且仲執生能力高,因為當日去到我地發現櫻花唔算開得好靚,攝影師即時就地取材要我地轉做撐船,個效果都唔錯!

不過可能因為風格問題,本身想佢幫我執個下巴尖啲,但最後執出嚟好奇怪咁,好在影嘅時候啲相打燈靚,角度自然,所以最後都係唔執,反而仲滿意。

另外我覺得影相時間再長啲會好啲,可以再影多啲,咁就可以多啲相揀。當日我地個午飯時間太長,響大阪個office換完妝再食飯,休息咗一陣先出發去奈良,結果去到奈良已經3點,雖然啲相都影到我地要求,working hour又比預算長咗,但休息時間太長,換完衫就響間店到呆坐,浪費咗啲時間。

整體滿意度 
4.5
4.5分 (1 vote)
服務態度--攝影/錄影前接洽 
4.5
4.5分 (1 vote)
服務態度--攝影/錄影當日 
4.5
4.5分 (1 vote)
化妝造型質素(如提供) 
4.5
4.5分 (1 vote)
照片/影片質素 
4
4.0分 (1 vote)
服務承諾達到 
4.5
4.5分 (1 vote)
價格適中 
4
4.0分 (1 vote)
商戶名稱
LA-VIE Photography
所使用的服務 
婚紗攝影
產品/服務種類 
海外
婚宴/攝影日期 
2017/11/25
是次最終消費 
HK$ 30000
Haileytsang511 2018/04/11 21:56:47

我既pre wedding就去咗沖繩,揀咗La- vie,佢地係日本公司,香港都有分店,其實一開始都想係國外影,都想係日本影,本身想去京都影和服,後來見到呢間影得幾靚,然後我本身都鍾意沖繩,所以就揀咗佢。本身我就唔鍾意人地太chur咁sell我,有啲公司一入去真係太chur,叫我坐低傾下,佢就係咁sell我話好平啊乜乜乜,但係個style唔係幾啱,因為我自己就鍾意自然啲既感覺,我地去沖繩影咗4個景點,其中一個係海邊,然後有個係公園,另外有個地方叫真榮田岬,其實係比人去浮潛既,所以水都好情,因為我地9月去,好曬,一路流汗一路影,但好彩影出黎都好靚,不過真係好熱,我本身著個條裙都幾貼身,我老公都流曬汗,同埋佢條西褲側邊裂開咗!!好彩工作人員有針線包可以縫返埋。我有同佢地講過我想去啲海水清啲既地方,咁啱真榮田岬佢地公司都可以係個度影~~所以就去做呢個地方。佢地態度都好好,係日本攝影師同化妝師,有兩個台灣人做翻譯,成件事我無諗過會咁好,因為驚溝通唔到~本身個日都影到幾攰,然後有個翻譯就話攝影師問我地係咪唔太滿意佢既表現,因為見我地成程都好似無乜表情,其實當然唔係啦!只係因為好曬好攰好熱所以先咁,哈哈!我覺得佢地好好,而且翻譯都好好,攝影師講一句佢就翻譯到一句!本身都好驚,因為我有上網睇,見到有其他新娘新郎揀其他公司有啲唔太開心既經驗,但好彩我無!!佢地既相係未執之前比我地睇我已經覺得好好,影到好有feel,因為我鍾意自然啲既,唔好太生硬,然後攝影師都滿足到我地既需要,揀相都無催我,都唔會氹我地加錢。但因為化妝師影之前係無試妝,然後個日即場化,唔係好符合到我要求,因為佢都化得好淡,影相出黎都唔係好覺,所以我就覺得未做到我想要既效果,不過都接受既!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
3
3.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
3
3.0分 (1 vote)
商戶名稱
LA-VIE Photography
所使用的服務 
婚紗攝影
產品/服務種類 
海外
婚宴/攝影日期 
2017/06/10
是次最終消費 
HK$ 28000
Christy Lo 2017/06/28 21:36:38

Pre-wedding我搵左La-vie,係去日本影嘅。揀呢間之前我哋本身一早已經決定去日本影,因為男朋友喺日本讀過幾年書。其實上網搵來搵去真係好煩,而呢間公司就咁啱有兩個大學同學影過,而且呢間都係大公司,D相我又覺得okay。之後,我去婚展book,因為我同學話婚展會平少少。我主要揀佢因為佢全部都係日本嘅,我過去影相只係帶咗一對絲襪同束褲,衫﹑鞋同埋攝影師都包,相反如果我搵我個big day攝影師Ivan影,就要同佢confirm一個時間一齊去,仲要自己帶衫,真係煩好多。La-vie上網有啲衫款我有揀定,但去到嗰間分店佢都會有其他俾你再揀。佢係自己攝影公司嚟,香港嗰間就主要做翻譯工作。

佢哋服務都係好好,我哋影得好開心,嗰邊啲翻譯有啲人內地人台灣人,溝通上完全冇問題。當時我揀咗七月去影,佢就話如果天氣點點點有得reserve第二日,咁我就揀咗日後備係過兩日,之後影之前佢真係打俾我,個台灣人同我講︰「明天應該會下雨.....」佢都一路問譬如遲一日得唔得,我個合約寫咗遲兩日嘅,佢睇到都係會落雨都會一路同你我tun。我覺得佢呢樣嘢都好好,因為影outdoor天氣影響都會好大,佢又唔會︰「總之你合約係嗰日就係嗰日!」佢係你邊日得就即刻問番攝影師得唔得,總之一得就都係就我地同埋就天氣,因為如果原本嗰日真係落雨落足全日,但係我之後影嗰日就好好。

景點方面係佢哋提議,不過都有問我有冇地方想影,我哋就話冇啦,佢就俾咗好多sample我地睇,咁之後我哋就揀咗幾個。同埋有啲景點係要加錢嘅 (例如神户淡路島),跟住佢有個日本人staff喺度,佢又同我男朋友講日文,講完一輪又唔洗加錢喎,佢話︰「呢個要加錢,不過free俾你!」我知道婚展係會有啲咁嘅offer,除咗個package平少少啲景點佢又會俾埋你。淡路島嗰度係超靚,係好多花花草草彩色咁,影出嚟都真係好震撼! 之後又有去神户港Harbor Land影。

我哋一開始係想揀北海道嘅,因為暑假影薰衣草靚,其實北海道仲貴啲。不過佢哋就同我講話北海道交通冇咁方便,點到點好遠,可能要凌晨四點起身,又驚好多遊客,佢就話不如影神户,佢俾好多資料我地睇,睇睇吓又覺得okay,覺得okay我哋就決定去神户影。

佢哋做嘢好快手,啲相好好,個攝影師我又好鐘意,佢係日本人,叫Tsukasa San。佢個package係俾我指定攝影師嘅,之後我就指定咗佢。我覺得佢同Ivan有個共通點,係會影吓戒指飾物影吓背脊咁,有啲意境,因為我好怕張張相影到好似喺金紫荊咁又大頭close up。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
LA-VIE Photography
所使用的服務 
婚紗攝影
產品/服務種類 
海外
婚宴/攝影日期 
2017/02/11
是次最終消費 
HK$ 31000