MY DREAM WEDDING

服務詳情

服務種類:
婚紗攝影
整體評分:
整體評分 
4.15
4.2分
服務/產品價格: 本地: HK$20000 起
海外: HK$23478 起

服務/套餐價格及詳情

暫未啟用

服務/套餐價格及詳情

暫未啟用

評語 提交評語

luvchiang 2018/09/11 11:11:55

我地一直都有留意好幾間攝影公司,然後諗住去到婚展再睇真啲,My Dream就係其中一間。我地之前都知佢同Mona Lisa France Bridal有關,同埋都多人識。去到婚展睇佢地sample啲相都覺得幾好~佢地啲相嘅風格比較青春,影出尼感覺自然同清新啲,都係我地想要嘅style。我地開頭其實諗住去台灣影,但睇到佢地喺韓國影嘅相我同未婚夫都覺得好靚!加上咁岩佢地有個package係去韓國,又包埋住宿,好方便仲要都唔算貴,係中價位~對我地黎講都好吸引。我地問完佢地一輪,再喺婚展行左個圈,最後都係決定揀佢地!

佢地嘅員工都係好nice,好樂意解答我地問題。特別因為個日我未婚夫嘅爸爸媽媽都在場,佢地都好有耐性咁向我地講解而家興啲咩類型嘅pre wedding,通常啲人鍾意啲咩之類。佢地態度都好friendly,又唔會好hard sell,要硬sell 啲咩package俾我地。我地覺得佢地都會從我地角度去諗吓邊啲package比較好,又好詳盡咁解釋,再等我地慢慢揀,所以感覺都好好。

去到韓國個邊其實有幾間studio,每間都有唔同theme。因為我地揀左遊樂場主題,所以佢地就帶我地就去左一個荒廢左嘅遊樂場度影相,都好特別!個日一朝早,佢地就call車去酒店度接我地去studio,我未婚夫去試衫,我就化妝同set頭。跟住攝影師就車我地、翻譯姐姐、同埋幫手嘅阿豬媽去遊樂場度。到遊樂場個邊都仲有studio,不過就無化妝同set頭嘅服務,主要係去再揀衫。佢地啲衫都好多,有唔同質地,唔同款。男裝都有好多,同埋我覺得佢地好中意玩唔同嘅顏色,啲衫會用啲好大膽嘅顏色!除咗studio嘅衫,我地仲有一套之前佢地叫我地帶定去嘅便服,所以都有唔少造型。

我地覺得攝影師好好,會教我地點樣擺pose,好友善。阿豬媽都好好,會幫我地整好啲衫,擺返好條裙。雖然個而且個遊樂場係荒廢左,但佢唔係好殘舊嘅感覺,場地好colorful,影出尼效果都好好!我地覺得同最初係婚展睇到個張相嘅效果一樣,係我地想要嘅野。

我地去揀相嘅時候因為咩都唔識,開頭都唔知究竟要用幾多張相,去到後尾我地先知原來佢地要我地揀嘅20幾張相係會拎返去韓國個邊執,而其他都係會有extra charge!不過因為我地真係唔識,係婚展嘅時候亦都無問到,雖然對於收費有啲無奈,但係都無辦法.... 不過除此之外,啲相真係未執都已經好靚,影得好好嘅~

到揀相放落相簿,因為只係得十版,排版後有啲相用左wide shot要佔兩版,變左我地揀個廿幾張相都放唔哂!我地又唔想over budget咁多,只好同佢地講返寧願啲相細啲都想放多啲相。初頭佢地都唔係咁想咁樣排,但最後俾我地自己決定。我地真係好想盡量放晒我地之前揀咗嘅相,唔好浪費執咗嘅相,所以迫於無奈都加多咗三版。我地都明白佢地做生意係會有咁嘅情況,而且我地開頭又真係無問清楚,所以雖然有啲無奈,但整體我地都算係好滿意。而且我地覺得佢地會俾建議之餘亦都會尊重我地要求,服務都算真係唔錯。我地仲join埋佢地個big day一條龍嘅package,包晒衫、化妝同影相~

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
4.5
4.5分 (1 vote)
化妝造型質素(如提供) 
5
5.0分 (1 vote)
照片/影片質素 
5
5.0分 (1 vote)
服務承諾達到 
4.5
4.5分 (1 vote)
價格適中 
4
4.0分 (1 vote)
商戶名稱
MY DREAM WEDDING
所使用的服務 
婚紗攝影
產品/服務種類 
海外
婚宴/攝影日期 
2018/03/14
是次最終消費 
HK$ 35000
NY 2018/08/31 16:55:28

當初我哋睇完佢哋promote嘅相覺得都幾啱feel,加上知道佢哋係大公司,覺得會有信譽保證,所以就揀咗佢哋。佢哋嘅態度都好好,有禮貌,正常推廣咁啦,我覺得推銷手法都正常嘅,係可以接受嘅範圍內。

我哋揀咗去韓國度影相🇰🇷。佢哋有幾個主題比我哋揀,我報名嗰陣原來係有一個指定嘅Studio,但我唔太記得嗰陣佢有無講過指定Studio呢樣嘢,唔知係咪自己唔太清楚,所以以為之後可以轉返,後來我上去傾嘅時候佢哋都叫我揀返本身join嗰陣原先嘅Studio,因為轉其他Studio嘅話,可能就要轉其他package。

我哋去咗首爾嗰邊影一日,個package都比咗兩晚酒店我哋。去到即日試衫,有普通話嘅翻譯,個翻譯都好客氣。化妝師係韓國人,態度都好好,幫我整嘅化妝同造型都ok,都係正宗韓妝。攝影師友善得嚟都幾funny,例如我哋緊張嘅時候佢會發出怪聲搞下笑令到我哋輕鬆啲。成個過程都好好,佢哋仲會用我部電話幫我影好多相,我覺得呢樣嘢好好,可以比我即日見到啲相影出嚟嘅感覺。

相嘅質素都算滿意,但就唔係話好perfect,可能因為我影嗰陣係6月,無乜特別嘅景,不過都唔係話差。揀相方面都有足夠嘅時間比我哋揀。佢哋香港呢邊嘅staff都好nice,態度好好,好配合我哋,溝通無問題之餘又會同我哋傾偈。我仲記得嗰時咁啱pre-wedding嗰日係我老公生日,我叫佢哋幫我準備個蛋糕🎂,佢哋都好配合咁幫我哋營造咗個surprise🎉!

整體滿意度 
4
4.0分 (1 vote)
服務態度--攝影/錄影前接洽 
4.5
4.5分 (1 vote)
服務態度--攝影/錄影當日 
4.5
4.5分 (1 vote)
化妝造型質素(如提供) 
4
4.0分 (1 vote)
照片/影片質素 
4
4.0分 (1 vote)
服務承諾達到 
4
4.0分 (1 vote)
價格適中 
3.5
3.5分 (1 vote)
商戶名稱
MY DREAM WEDDING
所使用的服務 
婚紗攝影
產品/服務種類 
海外
婚宴/攝影日期 
2018/10/01
是次最終消費 
HK$ 25000
Janetchanman 2018/07/27 10:12:06

之後喺FB見到佢哋有個宣傳活動,會揀2 pair可以去韓國影婚紗相,我哋就留言咗我哋嘅愛情故事,無估到真係會中到,都好開心。最初去到嘅時候其實佢哋揀咗5 pair人,之後就再interview同埋我哋要願意俾我哋啲相或片佢哋show樣share喺佢哋fb page。佢哋送嘅係喺韓國studio嗰度影相當日嘅所有嘢,不過機票同酒店,仲有之後揀相嗰啲就全部要再加錢。
跟我哋張單嘅sales Gas佢見我哋嗰時就同我哋講認得喺婚展見過我哋。我哋覺得佢好細心同埋有耐性,而且合作起黎睇得出佢好有經驗,都俾到好多information我哋。例如我哋想帶casual were去,佢都會俾意見我哋;出發前又confirm當地有翻譯同埋俾咗張紙好清楚寫住我哋要預備同注意啲咩。
去到韓國,影相嗰朝有車黎酒店接我哋去studio。我哋都係去到先知有咩衫,我最後著咗2件婚紗,1件晚裝同1件外影。佢有啲top俾我著咗令一套衫變多咗幾個造型,影出黎效果都幾好。個studio有3層,2層室內景,天台就搭咗好多款outdoor景。當地嗰邊嘅團隊感覺好專業,一隊crew有4-5個人(攝影師、助手、化妝師、一個幫手換衫嘅大媽同埋翻譯員)全日跟住我哋2個。佢哋俾我哋嘅感覺都舒服同埋大家都好玩得,翻譯員都幫手喺旁邊用手機影咗好多相俾返我哋。我諗住免費可能只係影2-3個鐘同埋幾套衫,我無諗過會係全日full service,朝早揀衫化妝,再由12點開始影到夜晚8-9點!雖然影到最尾真係好攰,但都好開心,而且比我想像中好!走嘅時候佢哋就幫我哋call的士返酒店。
返到香港我哋就再contact My Dream Wedding 嗰邊攞相。本身佢哋有講過話free嗰日影相,相就只係俾25-30張,所以唔知係咪因為我哋有俾錢要埋啲相同相簿就有晒所有soft copy。不過我哋一開始自己無問清楚到底攞返啲相同造相簿或油畫要幾錢,只係知係要另外收費。後來我哋問問吓先覺得其實同一個package差不多錢!例如一個2萬嘅package只係包10頁嘅相簿,我哋就有16頁嘅相簿,雖然知道係package都要額外加錢先有咁多頁,但最後我哋加加埋埋都俾成$16000,比我哋想像中嘅價錢多好多。不過加幾多錢做相簿同埋揀喺韓國嗰邊執相都係我哋自己揀,佢哋嗰邊無話逼我哋要加錢買。我明佢哋都有cost,只係都同我心目中嘅「免費咗」有啲距離。
講返揀相同相簿,我哋都揀咗韓國嗰邊執同造相簿。因為佢哋話香港執相只係執肥瘦同黑眼圈,而韓國就會執得好啲,例如白色牆佢會執到天空咁。我哋睇過啲sample覺得韓國嗰邊執得靚。雖然俾嗰邊造係貴啲,但係我哋都想交俾嗰邊造。不過啲相仲執緊,我哋到現時為止只係睇過原圖。但係其實睇原圖都覺得有啲相基本上唔使點執已經好好,攝影師打燈嗰啲都好專業,影出黎已經好靚。揀相嘅時候Gas佢都有俾啲idea我哋喺成百張相裡面點揀,例如一個page一個場景揀2張就會好睇啲,唔會覺得太散亂。另外,我都好多謝佢哋幫我哋趕貨,因為我哋啲相趕住big day用(8月18日就係喇),平時around 3個月先會有相睇,佢哋2個星期左右就俾返我哋,可以去揀相,又幫我哋同嗰邊deal話盡量幫我哋趕8月頭起貨。

整體滿意度 
4.5
4.5分 (1 vote)
服務態度--攝影/錄影前接洽 
4.5
4.5分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
5
5.0分 (1 vote)
照片/影片質素 
4.5
4.5分 (1 vote)
服務承諾達到 
4
4.0分 (1 vote)
價格適中 
4.5
4.5分 (1 vote)
商戶名稱
MY DREAM WEDDING
所使用的服務 
婚紗攝影
產品/服務種類 
海外
婚宴/攝影日期 
2018/06/30
是次最終消費 
HK$ 16000
ks115 2017/08/28 22:19:36

我本來諗住搵Won Kyu影pre-wedding,原本我哋喺諗住喺婚展度落訂,但係男朋友始終覺得佢哋比較貴,就再睇吓其他韓國攝影booth。我哋後來行到去My Dream Wedding嗰度,佢哋嘅package係包埋酒店,而且亦有其他studio揀,男朋友覺得比較抵,所以就落咗訂。Serve 我嘅其中一個叫Gas,佢解釋得好清楚,而package都有好多嘢送,包外影,又送多一輯香港嘅拍攝,又送禮服,所以我哋就決定 join,揀咗去韓國嘅May Studio影。

之後我上網再搵到資料,如果我直接搵韓國嗰邊 join 係會比經agent平 2千蚊左右,而且夜景唔洗加錢,亦都可以指定攝影師,聯絡都又會直接啲。但我經My Dream Wedding join,夜景又要收錢,加相亦要收錢,同埋佢係影少咗一套衫。其實我join完第二日都有覺得少少後悔,後來同阿 Gas 傾返問佢可唔可以退錢,而阿Gas又提返我佢地香港送嗰啲本地拍攝,又送禮服同埋其他嘢,加加埋埋都超過嗰差價啦,加上時間又實在太緊迫,所以後來都覺得 okay。

經我比較過其他韓國既studio,最後都係覺得May Studio係可靠D,睇過啲客人相,感覺啲妝係自然D正常D,啲衫又ok。我同Gas講想訓晏啲,所以想揀咗晏啲 2pm 既時段。但後來誤會咗原來 2pm 係先開始化妝,五點先開始影相,最後影到夜晚九點,我覺得晏咗少少,所以勸喻大家係要confirm幾點集合化妝為準呀~ 影嗰日天氣麻麻地,天黑又落雨,所以去唔到天台啲場景影。攝影師都體諒我哋盡量幫我影多啲其他景補返。May Studio啲相我未收到相薄,不過我睇到執咗嘅相,出到嚟都ok。

My Dream Wedding作為agent,佢嘅服務係好好。因為我婚期有啲趕,所以我想快啲揀相。我都搵阿Gas,佢都幫我睇有冇人cancel booking等我可以插入去,等我可以快啲有得揀相。初初係我同男朋友兩個揀相,後尾阿Gas都同我哋一齊揀,幫手睇邊張相笑容好啲呀,邊張會執到呀,等件事快啲。諗返轉頭我成個過程揀studio真係猶豫咗好耐,亦都改咗好多嘢,又問咗Gas好多嘢,但係Gas都一路好耐心咁答,從來冇試過晦氣或者黑面,我回想返都覺得唔好意思,My Dream Wedding 有呢位員工真係非常之好!👍

整體滿意度 
4
4.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
4
4.0分 (1 vote)
照片/影片質素 
3.5
3.5分 (1 vote)
服務承諾達到 
4
4.0分 (1 vote)
價格適中 
3
3.0分 (1 vote)
商戶名稱
MY DREAM WEDDING
所使用的服務 
婚紗攝影
產品/服務種類 
海外
婚宴/攝影日期 
2017/05/09
是次最終消費 
HK$ 20888
MY DREAM WEDDING 2017/08/29 18:30:55

多謝你既讚賞,記得介紹多啲朋友黎喇

Joeyko 2017/05/23 08:12:20

當初喺婚展就諗住搵韓式攝影嘅,所以搵咗呢間。不過聽人講韓式攝影通常都係indoor,我就對indoor冇咩興趣嘅,所以我一坐低已經同佢地講我想去日本影紅葉,佢地開頭都想說我一輪影韓國架,因為佢地主力係影韓國。不過我唔理,總之我決心一定要影紅葉。佢地銷售又唔可以話好chur,不過都睇得出佢地好大壓力一定要做到我張單,都明白同埋體諒,不過絕對唔係話你坐得低佢就好易放你走咁,都好想做到你生意。最終,我哋confirm咗去日本影紅葉!

我哋去到日本影相嗰日係落雨嘅,佢地都好照顧我,好樂意幫我擔遮,會好體貼我需要。佢地都好落力咁影,影出嚟啲相都好靚。我見到D衫污糟晒,雖然預咗,都覺得好可惜,但係佢地都冇所謂,就係為咗影到好嘅相。

返到嚟香港執相我朋友都提我要硬心腸啲,唔好咁易俾佢tum到,因為佢一定會upsell你又要你加呢樣加嗰樣,又話要買相簿又要點處理,就唔好咁容易心軟。當時都好難話咩都唔要喇,因為原來唔加錢係冇得執相嘅,咁啲相冇理由唔執架嘛,所以都係加咗少少。不過我覺得加少少都唔緊要嘅,最緊要做得靚,最後我都有條底線就係淨係執相,相簿同相架就出去整,後期佢地都出埋鎮店之寶,有個好靚嘅相架,入面可以放到五張相嘅。當時我都有少少心動,我都計過吓啦,喺嗰度整個相架同我出去整都係差千幾二千蚊,所以最後都係用埋佢嗰個,後期成個service我就加咗$10000,另外就影咗$10000,都okay嘅唔錯嘅,我都會推介俾我啲朋友!

整體滿意度 
4
4.0分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
4.5
4.5分 (1 vote)
照片/影片質素 
5
5.0分 (1 vote)
服務承諾達到 
4
4.0分 (1 vote)
價格適中 
4
4.0分 (1 vote)
商戶名稱
MY DREAM WEDDING
所使用的服務 
婚紗攝影
產品/服務種類 
海外
婚宴/攝影日期 
2016/12/24
是次最終消費 
HK$ 20500

頁面