Photo By Wade W.

服務詳情

服務種類:
婚紗攝影
婚禮當日攝錄
整體評分:
整體評分 
5
5分
整體評分 
5
5分
平均消費: 海外: HK$35000 起 本地: HK$12000 起

評語 提交評語

Michelle 2017/09/23 18:28:16

我上網見到佢哋D相,好鍾意佢哋嘅style。

我本身book咗crew係2P1V1A,但係到之前嗰日攝影師打俾我,話想個rundown做得好啲,會派多個同事嚟幫手。我一聽到不知幾開心,因為我都成30圍,多啲人幫手會好啲。同埋我喺兩邊酒店出門,又會派相,有多個同事會跟得好少少,咁攝影師可以專心focus返早拍晚播。其實我結婚當日係平安夜,佢可以俾多個人我,我真係覺得好難得。當日派相嘅流程都ok,我都有分俾兄弟姊妹做,攝影師搞掂就分俾佢哋分配。

佢哋見到有朋友行埋嚟講恭賀說話,都會幫手攔一攔影張相,咁就一定唔會漏。有啲遲嚟又上唔到台影,佢都會幫手叫話影張相,完全都唔洗我哋用腦,成件事好順暢!

整體滿意度 
5
5.0分 (1 vote)
服務態度--攝影/錄影前接洽 
4.5
4.5分 (1 vote)
服務態度--攝影/錄影當日 
4.5
4.5分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
4.5
4.5分 (1 vote)
商戶名稱
Photo By Wade W.
所使用的服務 
婚禮當日攝錄
產品/服務種類 
本地
婚宴/攝影日期 
2016/12/24
是次最終消費 
HK$ 20000
manicheung 2016/08/06 22:10:02

因為pre-wedding輯相影得好靚,所以我哋順理成章就搵返Wade影埋big day。而喺籌備婚禮過程中,Wade喺big day rundown上都俾咗好多意見我哋,我哋好多問題問佢佢都一一答到,連有咩顏色嘅衫唔著得我都問埋佢,佢提我哋可能有啲長輩冇咁鐘意灰色﹑深藍色等等。其實我本身揀姊妹裙係諗住揀白色,佢就話可能會同我婚紗撞,搵啲香檳色嘅影出嚟就會sharp啲。

當日我出門係喺九龍香格里拉,揀之前我都問過佢邊間酒店影相會靚啲,聽完佢建議之後我哋就揀咗香格里拉。而且佢同啲賓客互動好好,又會不時講啲喜慶說話,令啲長輩笑得開心啲。當日佢隊crew全日都有好多人幫我哋影,個感覺就好似一班朋友一齊玩咁,好開心。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Photo By Wade W.
所使用的服務 
婚禮當日攝錄
產品/服務種類 
本地
婚宴/攝影日期 
2015/12/28
是次最終消費 
HK$ 0
manicheung 2016/08/06 21:24:16

當初喺網上搕到Wade,見佢喺香港影嗰啲相好靚,而且佢可以影overseas,不過我見佢啲overseas相只係得台灣。而我哋自己本身想去歐洲影,影London同Paris。雖然佢未影過嗰個地方,但我哋憑感覺,見到佢影啲相啱feel就放心俾佢影。佢個價錢$35000已經係包埋佢哋crew嘅住宿同機票,而我係影兩個地方,真係好抵。

出發之前我都唔太知道點影同埋去咩景點影,Wade俾咗好多建議我哋又俾好多相我哋睇,佢問我哋想影啲咩感覺嘅相,例如影古堡咁,再引導我哋諗。我之後再諗嗰陣就覺得自己真係想影歐洲feel嘅相,就決定去影巴黎先,之後買機票諗諗吓就不如去埋London影埋,佢又好好可以就到我。佢哋係預早去London等我哋,仲喺車站等埋我哋接我哋,再一齊搭EuroStar去Paris,因為當中我哋相處時間好多,影完又會成日一齊食嘢行吓街,所以關係好融洽。其實除咗影pre-wedding嗰兩日,我哋行街嗰陣佢都會幫我哋影吓相,變咗好似有啲生活照咁。

而Wade真係好落力,係一個「訓身」嘅攝影師,可能有啲景點好似London嘅大笨鐘要低炒先好睇,佢真係成個人訓喺度影,連件衫少少污糟同埋爛咗都唔會介意! 佢哋真係好細心,我哋雖然係六月影,但都係有少少落雨,佢哋兩個成日都好擔心我驚我凍親,一影完就即刻搵番件嬲俾我著,真係好細心。到咗揀相真係好難揀,因為真係張張都好靚,最深刻都真係大笨鐘嗰張,仲整埋掛畫。

之後我哋因為big day要整個decoration showcase pre-wedding啲相,所以拎D相去快圖美曬,連快圖美啲staff都讚我哋啲相影得真係好靚!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Photo By Wade W.
所使用的服務 
婚紗攝影
產品/服務種類 
海外
婚宴/攝影日期 
2015/12/28
是次最終消費 
HK$ 35000
Titatttt 2016/07/26 11:24:51

認識Wade都因為喺Facebook搵到佢,而後來發現佢原來係我小學既師兄!佢大我幾屆而本身都唔係太熟,但係搵到佢之後都有keep住留意佢啲作品。我哋後來都有去過婚展問過吓,但係因為太亂太多所以冇咩點考慮。我本身都幾清楚自己想要乜嘢,例如我自己就鍾意啲光啲,鮮明啲嘅相,所以有朋友介紹咗啲手法太花巧又或者太陰沉嗰啲我就覺得唔係我想要既嘢喇。另外我當初都好怕揀嗰啲所謂好有經驗嗰啲所謂大師,始終都怕佢哋會太寸同埋都會收得好貴,反而我會比較鐘意幫襯一啲新建立自己事業嗰啲,因為佢哋普遍都會似積極啲,加上年紀又會相近啲容易啲溝通。

都記得嗰時睇Wade啲相既時候覺得佢影嗰啲新娘個妝都化得好靚,後來留意到佢拍開嗰位化妝師 Koko Lai 就係佢女朋友,始終化妝師同個攝影師都要好夾好有默契先影得好,所以就揀咗佢哋幫手。初時同Wade見面自己都真係好多嘢都唔識,Wade 除咗講解自己service同埋流程之外都會俾好多意見我哋留意,後來排schedule都好彩有佢啲意見提醒我哋。

到咗big day當日佢俾咗好多意見我哋關於去邊度影外影,而我本身係喺中環擺酒,諗住去摩天輪影,但當日搞得所有嘢嚟之後啲時間真係趕唔切,始終要預時間俾佢執搞後製,所以都費事去咁遠。所以當時就揀咗係喺屋企附近個公園影,始終就我哋換衫都會方便啲。我哋臨時加去嗰個公園喺九龍灣,附近有個冇咩人嘅迴旋處而嗰度都幾靚。Wade去到都會即刻構思點樣利用當時環境同埋手上可以利用既嘢,例如當時我哋有四架花車,佢會主動安排啲車點擺,而我哋又會教我哋去邊到影同點擺pose,影出嚟我哋都好滿意!

到咗夜晚睇早拍晚播條片我哋都覺得好好,好鐘意!我哋成個過程都係好簡單,因為我哋堅持唔玩新郎!講到呢點其實Wade都有提過我哋如果冇咗呢個環節,早拍晚播可能會無咁多色彩又或者會變咗好短,但係我都覺得唔緊要啦,我哋真係唔想有「核突」或者唔靚既元素喺入面而都希望Wade可以遷就到。最後Wade都因為咁加多咗啲外拍片段入去,而另外又加咗我同我媽咪啲對話入條片到,感覺好好,真係好係我想要既嘢!

Wade 佢隊 team做得真係好好,我好深刻佢哋好肯花時間了解客人究竟係要乜嘢style,始終每個人偏好都唔同,而我鐘意簡單得嚟Wade都有有好好咁同我配合。 期望佢哋可以keep住呢個良好水準!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Photo By Wade W.
所使用的服務 
婚禮當日攝錄
產品/服務種類 
本地
婚宴/攝影日期 
2016/06/02
是次最終消費 
HK$ 16000