Rex Cheung Photography

服務詳情

服務種類:
婚紗攝影
婚禮當日攝錄
家庭攝影
整體評分:
整體評分 
4.7
4.7分
整體評分 
4.9
4.9分
整體評分 
4.5
4.5分
平均消費: 本地: HK$14338 起 本地: HK$19446 起 家庭攝影: HK$2500 起

評語 提交評語

avispooh 2017/02/17 21:02:16

由於Prewedding同Rex熟咗,而且我哋對佢嘅相好有信心,所以big day當日都好放心交俾佢影。嗰日嘅crew大致上同prewedding都係同一team 人,我join咗佢最貴嘅plan,就有2個人video camera man,1個photographer。佢成隊crew態度都好好,對啲姊妹同親戚朋友都好好。

我big day 嗰日下午好大雨!原本我哋諗住下午去郵輪碼頭嗰邊影相。但由於當時真係太大雨,而Rex之前都同我哋講話無喺嗰頭度影過,我哋都擔心會唔會無瓦遮頭。於是,佢就話「俾啲時間我,等我幫你哋諗吓去邊度影!」無耐之後佢就提議我哋去觀塘海濱嗰度影,因為嗰度有瓦遮頭又有啲草地。我覺得佢真係好冷靜, 而且好快幫我哋諗到辦法,好professional!最後我哋去到嗰時就停咗雨,所以喺觀塘海濱都影到唔少靚相!:)

我覺得有好多幅相佢都捕捉得好好,好多嗰日我哋自己因為太忙睇唔到或者無留意到嘅片段反而可以喺啲相度睇返,真係好多謝Rex幫我哋留住呢啲美好時刻。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Rex Cheung Photography
所使用的服務 
婚禮當日攝錄
產品/服務種類 
本地
婚宴/攝影日期 
2016/09/10
是次最終消費 
HK$ 21888
avispooh 2017/02/15 21:01:05

上網睇婚享會見到啲人comment話Rex佢影相幾自然,個人又幾funny,加上都有朋友推介,就inbox問佢吓價錢。嗰時我whatsapp問佢價錢,想叫佢幫我影prewedding,佢就send晒啲package價錢俾我同問我時間。我哋都好快約到啱時間就上去studio搵佢。

第一次見Rex真人就係上佢studio嗰度。初初覺佢都幾嚴謹,雖然都有笑吓,但都幾cool,可以話同我想像中有啲唔同!不過傾傾下就發現原來佢係傻傻地,好好人XD。佢個人都好nice,而且無sell過我哋,就算我哋唔係買佢最貴嘅package,佢都完全無sell我哋要買啲extra plan嗰類。由於我自己一路都有做research,同佢傾嘢時都有問吓佢有無咩道具provide。Rex佢就send啲作品問吓我鐘意邊一種style同傾吓想去邊度影。我自己就最鐘意佢嘅田園風格,感覺natural啲。佢又唔會太大執啲相嘅顏色,所以啲相出到嚟感覺都好自然。

影相嗰日,佢哋成個team仲有一個燈光師同化妝師,我覺得佢哋都係好有默契、 好親切,又有講有笑。其實一開始我見佢係攞獎攝影師,都有啲驚佢會有啲㗎子,但最後佢俾我個感覺真係好爸爸!我哋去咗迪欣湖度影相,佢會親自睇吓我個妝同個髮型得唔得,然後去同個化妝師傾吓會影到baby hair唔係太靚,幫我再執執,感覺好細心。

影完嗰時,佢就同我哋講好快可以俾返相我哋,因為應該都唔使點大執。結果一個星期內真係已經有link睇相,俾我哋睇吓有無邊啲想執。嗰時一睇啲相我已經覺得好靚,唔係太使執咁,啲角度都好靚!不過喺studio度影嘅相啲decoration感覺就比較單調,後來我再上去見到佢studio時見佢添置咗啲花花牆感覺都唔錯。另外就係佢影close up比較多,所以無乜全身相,如果有多啲全身相就會比較好喇。因為租衫條裙都幾靚,不過後來想搵返啲有全身睇到晒全套衫嘅相就唔多,有啲可惜。雖然係咁,我覺得佢真係好有心機去捕捉我哋最自然嘅一面,啲角度又攞得好好。佢執相真係好快,大約一個月多啲就完成。攞到hard copy嘅時候覺得同之前睇相一樣,仲用咗水晶相簿,真係好靚!所以我影完prewedding之後就即刻決定去搵佢影埋big day,因為佢真係俾到信心我哋!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Rex Cheung Photography
所使用的服務 
婚紗攝影
產品/服務種類 
本地
婚宴/攝影日期 
2016/09/10
是次最終消費 
HK$ 15000
Mwetheat 2016/11/24 08:29:39

Rex係一個好有idea 既人,而我同佢講我一路以嚟都好希望可以自己著住婚紗同小朋友影一輯家庭相,而佢就做我既花女。咁Rex就俾意見我邊套婚紗啱我呀,又會建議我邊到景點好,總之就係你講你想點佢都會俾到idea你點做。我哋揀咗係大埔海濱公園影,因為我哋住响嗰區,會方便啲。

其實影家庭相最難搞既一定係小朋友,而佢自己都係爸爸,佢唔會話只顧住影而等你去搞啲小朋友,佢係會親自去同啲小朋友玩,始終小朋友都係怕陌生人,而Rex已經係同我啲小朋友玩到好熟,玩到我女女都知道Uncle Rex 係影相既,咁就唔會怕佢喇。

Rex 亦都唔係嗰啲處處計住時間既攝影師,佢會真係了解咗影得你哋好未先話停,就算過咗時而佢覺得未得佢都會話要影埋先,呢點真係一個好既攝影師要具備既,事關去到嗰景點Rex都會突然有啲idea要話咁影又話要點影,處處計住晒時間嗰啲攝影師真係點會做俾你吖?

揀相阿Rex都好方便,Rex 俾我自己 online 揀,都唔去佢嗰度,其實我都好怕嗰啲要上樓既公司到揀相,始終面對面咁要我揀會好大壓力,始終影咗咁多輯都真係影到慣晒啦!

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
4.5
4.5分 (1 vote)
服務承諾達到 
4.5
4.5分 (1 vote)
價格適中 
5
5.0分 (1 vote)
商戶名稱
Rex Cheung Photography
所使用的服務 
家庭攝影
產品/服務種類 
家庭攝影
婚宴/攝影日期 
2016/05/29
是次最終消費 
HK$ 2500
STL 2016/09/13 12:54:29

初時見响 Rex 既 studio 見面既時候我先生都已經話呢個攝影師既態度真係好誠懇,風格又match我哋想要既嘢,當然價格都係考慮因素,而呢幾樣嘢都切合我哋嘅需求。我哋係喺馬灣Club One到擺酒,揀咗室外證婚。Big day當日成隊crew都好準時,俾我嘅感覺都係盡責同埋態度好嘅,所以整體嚟講都放心。我哋係揀咗半晝,個package本身都係half-day嘅,夜晚同屋企人食飯,所以夜晚 Rex參與咗一陣就走咗,時間係影得好足既。

Rex喺控制人流又或者係同賓客影相方面都係好smooth嘅,有一點可以再做多D既就係喺斟茶嘅時候,如果可能做少少大妗姐嘅角色,加插少少搞笑既氣氛,始終老人家鍾意開心啲氣氛熱鬧啲,咁大家氣氛就會更好喇﹗當然我都唔係完全expect攝影師可以完全取代大妗姐,不過如果酌量可以做少少就更好喇。

攞完相見到final product嘅時候我都覺得Rex係好有心機,佢係用一隻金鏄USB入著啲相,又有一個有佢logo嘅box,包裝得好靚。啲相都同我哋expect嘅一樣,特別深刻嘅可能就係一啲eye-contact或者係同屋企人嘅interaction嘅相,佢係好能夠捕捉到人與人之間嘅微妙關係,真係好細膩,而我就係鍾意呢個感覺。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Rex Cheung Photography
所使用的服務 
婚禮當日攝錄
產品/服務種類 
本地
婚宴/攝影日期 
2015/11/29
是次最終消費 
HK$ 14000
anitawmy 2016/06/13 21:28:54

我搵Big Day 攝影都搵咗好多間,好多俾我既感覺係當日條same day edit 好多都係麻麻,但我就覺得嗰部分先係最memorable,所以當時我就同Rex講話我想睇你same day edit同成長片段sample,佢都俾咗好幾條link我睇,我都真係睇完覺得啱先決定搵佢傾。

大家一開始都唔熟而其實當時都真係想感受吓佢係個點既人先睇吓會唔會搵佢幫手。我發現佢好俾心機答我哋啲問題,而我哋又真係問咗佢好多問題同好細節嘅嘢,我哋連big day先問都未遲嘅嘢我都哋問咗先。由於我之前聽過真係太多不愉快事件,有啲試過因為响酒店證婚,最後埋數先話要收附加消費,所以我一開始錢銀瓜葛就傾得特別清楚,避免big day當日打亂啲節奏同影響心情。佢每樣嘢都好細心解答,又有portfolio比我哋了解到佢style。咁啱嗰時有個朋友嘅朋友之前搵過Rex拍big day同家庭相,都滿意Rex個service,我哋睇完又覺得Rex佢唔係最平但風格都真係最啱我哋,就決定搵佢影big day。Rex佢都好nice好generous,嗰時我哋近14年年尾搵佢,佢同我哋講14年尾前落訂都會用14年價錢,唔會話15年先影就收我哋新價。

Rex真係教咗我哋好多結婚時要注意既嘢,例如原本我哋打算X點去接新娘,佢都有提醒返我哋要再預多啲時間,因為我哋諗得簡單咗會唔夠時間。其他細節例如屋企主要室內光定天然光,用白燈定黃燈,佢都會問我哋同我哋傾吓使唔使換,力求完美,好多位都俾到意見我哋。我哋覺得佢俾嘅advice都好啱用,而最後嗰日個run down都好smooth。咁啱big day前我有留意佢之前做過咩job,就睇到佢喺我屋企附近幫人影過。之後我就同佢講其實我就喺係嗰度附近,同埋suggest過去海濱長廊嗰邊影都好靚,朝早可以同啲兄弟去嗰度影下先,又俾咗啲男家附近內街的相佢睇睇先,佢都好快掌握到環境。我覺得準備結婚嘅人要多啲參考下其他新人點做,留意下幾時開席、幾時送客,去諗下邊啲有做或者漏咗,自己參考吓點樣避免,又可以早啲同攝影師傾清楚。

Big day嗰日佢哋成隊crew都好pro好有默契,又好自動咁喺我屋企做好set up,搵邊啲位同角度影出嚟會靚啲,唔使特別再同佢傾。Set up完,佢哋就主動落去搵新郎睇下有咩要幫手,好自動自覺同有默契點樣配合,一個拍片、 一個direct,一個主力影snap shot。攝影師都有好有禮貌同友善,有長輩想要求影多幾張相佢都會盡量去配合。親戚朋友同兄弟姊妹返嚟嘅feedback都好正面。嗰時開會我哋提過男家係喺較為低密度嘅單位住2樓,間屋有個露台。佢都未係好清楚當時環境,但佢提議可以試下喺2樓拋個花球落去接花球。我記得嗰日朝早喺娘家斟茶都未落雨,出門嗰刻就傾盤大雨!後來到男家嗰度都仲有雨,喺斟完晒茶先開始停雨。斟完茶嗰時見停咗雨,啲兄弟姊妹又食完飯返嚟,我又換好婚紗,就實行咗喺男家度拋花球嘅計劃。咁啱我喺2樓一拋落去就有個姊妹接中,成個拋花球過程嘅snap shot同video出嚟效果都好好。(我之後喺朝拍晚播時睇到都好impress,簡直係成條片嘅highlight位!)跟住我哋再喺男家附近內街度影咗啲相,就再去酒店。雖然嗰時停咗雨,但都擔心會再落,所以就決定喺酒店再影一輯相。

宴會未真正開始前啲家長都有同啲朋友影相,feedback都話佢有求必應。到敬酒後再同賓客影相都好有耐性,好細心幫手點樣排位,而當時有啲點都唔肯坐前排嘅親友Rex都會幫吓口說服佢去坐前排。我最重要既same day edit 我當然有睇啦,嗰刻睇到我真係睇到喊咗出嚟!睇佢剪出嚟嘅片都會勾返起感動嘅時刻,成條片都capture到朝早的essence。

另外就係我擔心既錢銀問題都係無事,當晚俾埋尾數好順利,始終當初開會講run down時都再一次傾埋點俾錢,大家agree好,所以如舊無如何突如其來嘅額外收費。

我哋覺得Rex真係超越晒我哋既expectation,好多謝Rex佢咁包容我哋好多好瑣碎嘅各種問題,thanks so much!

整體滿意度 
5
5.0分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
4
4.0分 (1 vote)
價格適中 
4.5
4.5分 (1 vote)
商戶名稱
Rex Cheung Photography
所使用的服務 
婚禮當日攝錄
產品/服務種類 
本地
婚宴/攝影日期 
2016/04/20
是次最終消費 
HK$ 19888

頁面