TcTang Image House

服務詳情

服務種類:
婚紗攝影
婚禮當日攝錄
家庭攝影
整體評分:
整體評分 
4.85
4.9分
整體評分 
4.7
4.7分
整體評分 
0
0分
服務/產品價格: 本地: HK$22160 起
海外: HK$24400 起
本地: HK$21540 起

照片集

影片集

服務/套餐價格及詳情

服務/套餐名稱: 
Wedding Day Photo
服務/套餐價格 
HK$20,800/起
服務/套餐名稱: 
Pre-Wedding Photo
服務/套餐價格 
HK$25,800/起
服務/套餐名稱: 
Wedding Half Day
服務/套餐價格 
HK$17,800/起

服務/套餐價格及詳情

暫未啟用

服務/套餐價格及詳情

服務/套餐名稱: 
Wedding Day Photo
服務/套餐價格 
HK$20,800/起
服務/套餐名稱: 
Pre-Wedding Photo
服務/套餐價格 
HK$25,800/起
服務/套餐名稱: 
Wedding Half Day
服務/套餐價格 
HK$17,800/起

服務/套餐價格及詳情

暫未啟用

服務/套餐價格及詳情

暫未啟用

評語 提交評語

Mandee920 2018/02/03 02:20:14

Pre wedding個陣同Terence好夾,然後佢服務又一流,我覺得佢好有熱誠,所以就搵佢影埋big day~~

Big day當日,我覺得佢好似好了解Four season個場,完全知道晒邊個位影相靚!之後我啲姊妹話返比我聽,原來當我做緊makeup既時候,佢襯空檔時間周圍搵靚位,到我搞掂手頭上既野就即刻捉我去影相,佢係無一分鐘停低既!另外,宨之後睇返啲相同video就見到佢捕捉到好多moment,爸爸媽媽既喊樣都capture到,因為我make speech既時候就喊得好勁,台下既人都有喊,佢都捕捉到呢啲時刻,Terence話連自己都有喊!

Big day之後佢已經可以即刻send到相比我睇,雖然唔係全部,但都覺得好勁,然後係個fb度佢都有update到少少相同片,我真係懷疑佢唔洗訓!哈哈!佢真係好有熱誠咁去影每一張相,仲要對每一個賓客都好有禮貌!我其實係一個幾心急既新娘黎既,我當日個時間又有啲緊迫,所以係個場度我拿起件裙就跑架喇,但佢係真係拎住個相機跟住我跑,好多人都跟住我一起跑哈哈!我覺得Terence真係要顧住自己多啲啊,因為佢係個啲為咗影相可以去到好盡既攝影師,例如pre wedding個陣會企係懸崖幫我影相,真係想佢錫自己多啲啊~~!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
TcTang Image House
所使用的服務 
婚禮當日攝錄
產品/服務種類 
本地
婚宴/攝影日期 
2017/01/22
是次最終消費 
HK$ 22000
Mandee920 2018/01/22 02:19:10

原本我係搵其他公司影pre wedding既,但有少少不愉快經歷,所以無再用本來個間。後來咁啱我同事個妹就識Tc,話平時見到佢影既相都幾靚,就叫我不如去試下。之後我就同我未婚夫上去睇,佢就比咗啲相、片比我地睇,溝通完之後感覺都幾好,佢份人好均真,唔會話想呃你錢!返屋企諗咗一陣就決定揀佢地!

Confirm後,佢好快就set up咗個wtsapp group,講下啲相要點樣影。我地後來決定咗去HKU、山頂、赤柱同埋我地相識既地方—銅鑼灣地鐵站影。呢輯pre-wedding我地總共影咗兩日,但佢只係收咗我地一日半錢。影兩日係因為我本身一日係HKU影,HKU規定一定要星期日先影得,平日就唔比影,但山頂啊赤柱個啲地方星期日去真係會好多人,根本影唔到!但Terence就話如果分兩日會好貴,因為唔係自己開車,佢都好細心話不如就係山頂、赤柱影相個日租車,HKU既話就自己攬住啲器材去影,就可以免咗一日租車既錢,同埋就話個日只收化妝錢、燈光錢、assistant錢,攝影錢就唔收我喇,咁我地就可以以最平既價錢影,個日我地用咗三千幾由朝影到晚!

作為新人其實都係想要一個有交代既攝影師,Terence就真係做到既!例如佢好清楚我想點,佢會問我想要咩,配合我、回覆得好快,我地係完全唔洗擔心,老實講我地唔係影相既人,要我揀一個影一百分,但好串嘴;同一個影九十分,但好nice既人,我當然會揀後者!所以Terence都做到態度好好!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
TcTang Image House
所使用的服務 
婚紗攝影
產品/服務種類 
本地
婚宴/攝影日期 
2017/01/22
是次最終消費 
HK$ 18000
CharlieBrown 2016/11/17 23:38:37

Big day後嘅第二朝我哋睇咗Terence個早拍晚播,同埋睇咗一啲佢send返俾我哋嘅相,就覺得應該可以有一輯更好嘅婚紗相(之前prewedding有唔好經歷),於是就即刻決定再搵佢影post-wedding!因為Big day嗰時真係好開心,覺得好難得搵到個咁好又夾嘅攝影師,而且襯住自己個身形嗰時仲KEEP到,怕一年後會走樣,就快啲mark埋佢期,係結咗婚嘅2,3個月之後再影多輯。

化妝師同婚紗公司都係big day之後Terence幫我安排晒,係全個組合再嚟一次。Terence佢無話俾我聽其實佢搵返我big day個化妝師。影Post-wedding之前個briefing,Terence就同我哋講「我知道你好擔心化妝呢一part嘅,咁我為咗令你開心,我已經安排好咗喇!」。嗰時我哋仲笑住咁問咩事呢,原來佢偷偷地聯絡咗我big day 個化妝師幫我喺post-wedding度再化。嗰個化妝師係我非常推介嘅一位化妝師嚟!我影完big day 同post-wedding之後都係咁同我啲朋友推介呢個化妝師。

今次再出去影相感覺好似去玩咁,因為同Terence、化妝師都已經熟咗,變咗好似一個大家嘅gathering咁!而且Terence佢真係一個好仔細嘅人,嗰日嘅嘢佢都安排得好好又無甩漏。嗰日真係玩得好開心,同埋影出嚟係我地想要嘅嘢,佢知道我地想影到人多過景,去到某啲地點或角度都會同我地講「呢張相可能個景會大少少個人細少少㗎吓」,好體諒我地之前嘅情況。嗰日我哋去咗山頂、中上環同西九,夜晚就返中環影夜境,都係Terence同我哋商量完嘅行程。我哋都覺得佢攞景同角度都好快同好純熟,而去到每個景點我哋要企邊度同擺咩pose佢都好清楚咁指導我哋。因為我哋兩個都唔係好知點擺pose,真係全靠佢指導。特別係經過big day之後,我哋好深咁體會過佢叫我哋擺嘅pose原來會影到好好嘅效果,真係覺得神乎其技。

雖然我哋攞到晒啲相但就仲未揀到放邊幾張做album,因為覺得張張都好靚,都唔知點揀好!其中一張我哋特別有印象嘅相係喺山頂度影。嗰日我哋喺山頂真係好大霧,一個人嘅身位已經會蒙咗。我哋喺嗰度影嘅相真係好有仙境感覺,好似去咗Harry Potter學校出面咁!後來我見Terence都有POST嗰張單人婚紗相出嚟,影得好靚!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
TcTang Image House
所使用的服務 
婚紗攝影
產品/服務種類 
本地
婚宴/攝影日期 
2016/03/18
是次最終消費 
HK$ 25000
CharlieBrown 2016/11/17 23:36:50

本身我哋係搵另一位攝影師幫我哋影prewedding同big day,一次過confirm晒。不過影完prewedding後我哋覺得影出嚟唔係我哋想要嘅嘢,而個攝影師嘅服務態度都令我哋覺得唔係好滿意。原本我哋都因為俾晒錢打算忍吓,但係由prewedding後到big day前傾rundown嘅成個過程都溝通得唔係好開心,所以直到差不多我哋big day前一個月多啲我哋就下定決心要換攝影師。因為big day都係一生人一次,都唔想嗰日影得唔開心。好在,我哋租婚紗嗰間店(Butterly)嘅老闆佢好好人,聽完我哋嘅故事後就介紹咗2個攝影師俾我哋,其中一個就係Terence (TcTang)。老闆介紹Terence係一個好有經驗嘅攝影師,令到啲客人好放心。之後佢都有叫我自己上facebook睇吓兩位攝影師啲作品再作決定。我哋睇完之後就揀咗Terence,因為覺得佢比較有經驗。

我哋未見Terence前同佢講咗一次電話,喺嗰次電話中都大約傾咗rundown嘅七八成。一開始我哋都覺得唔好意思,要咁急問Terence佢攞個期。不過Terence都好好人,佢聽完我哋之前嘅故事又見我哋咁急,就叫我哋第二日上佢個studio度傾吓點影big day。其實同佢傾完個電話之後,我哋已經九成諗住confirm佢。我哋嘅big day係12月,到我哋confirm Terence嗰時已經差不多係10月尾。我哋都覺得Terrence佢好肯聽我哋講嘢,又肯聽我哋意見,唔會係咁sell自己幾勁之類。不論係講電話定上去同佢傾,佢都俾過好多好嘅意見我哋。因為佢幫人影過好多Wedding,都經歷過好多,好多可能係我哋理想化咗嘅嘢未必可以咁smooth運作到佢都有俾意見提醒我哋。例如,傾到big day當日中間我想出去影相,佢都會提我哋要諗某啲地點嘅人流同時間會大約係咩情況之類,都係好實在嘅意見。我哋同佢講我哋會喺尖沙咀皇家太平洋度出門同擺酒,佢即刻好快就搵到一張喺嗰度影嘅reference相俾我哋睇,但唔係exactly同一個方向。於是,轉頭佢就再攞相出嚟,然後同我講到時佢喺間房入面大約邊度會set機,會係咩角度同方向,同埋會大約影到啲咩。連我出門嗰時應該係邊個位攔花球,佢都講晒俾我知,所有嘢都同我哋溝通得好好同好仔細。

到Big day當日,因為斟茶我哋無請大妗姐,啲姊妹口才又唔係好好,所以嗰時完全係靠Terence喺度帶住。不論係喺旁邊講好說話,定邊個飲茶嗰啲,全部都喺靠佢!由於佢講說話好得人歡喜,令到啲媽媽們都好開心!到咗中間去外影嘅時間,佢轉地點影之前又會問下我哋「我哋嚟緊會去呢度影喎,有無問題呀?」或者係時間多咗,又會主動提議我哋喺酒店影多幾張先。Terence最令我印象深刻嘅,就係佢幾次見到我個樣有啲奇怪,就問我「你係唔係唔舒服呀?如果係嘅話可以抖抖先喎,你個樣都有啲攰喇!」。其實我嗰日真係好攰,因為我哋吉時好早,9點前就要出到門,真係好早已經要完成晒所有嘢又好早起身,所以我到下午已經好攰無乜表情。我覺得Terence嗰日真係比任何一個姊妹更加關心我當刻嘅感受,我好開心嗰日全程有佢睇住我。(當然我老公都關心我啦,但佢都好忙嘛!)至於我老公,佢原本都好擔心big day當日嘅各樣嘢順唔順利,但因為有Terence喺度幫我哋睇住,令到我老公都覺得成個big day係好開心,好完滿。成日個rundown同schedule入面,佢可以講得上係比任何一個兄弟姊妹更加幫到手。最後,因為Terence佢話怕嗰日現金交收大家都唔方便,要睇住舊錢,所以我哋事先溝通咗喺第二日先過埋尾數。

我哋真係好開心有Terence喺我哋嘅big day當中幫手,big day嗰日大家都玩得好開心。佢為咗我哋又無乜食飯,寧願幫我哋影多啲相都無乜食嘢。所以,我哋都覺得Terence佢要好好照顧自己嘅身體先得!真係要好好照顧自己呀Terence!多謝你!

整體滿意度 
5
5.0分 (1 vote)
服務態度--攝影/錄影前接洽 
4.5
4.5分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
TcTang Image House
所使用的服務 
婚禮當日攝錄
產品/服務種類 
本地
婚宴/攝影日期 
2015/12/04
是次最終消費 
HK$ 19800
tsangkei 2016/11/07 13:03:30

我哋prewedding都係搵咗Terence,本身諗住big day可以再揀吓攝影師,但最後因為見佢影完出嚟好OK,又唔想煩就決定搵埋佢幫手。由於我太太係台灣人,我哋喺台灣擺酒,所以之前喺香港就做簡單嘅註冊儀式。以下我講嘅big day都係指喺香港註冊嗰日,因為我老婆有自己其他諗法,就無再請Terence去台灣幫我哋影。

我哋big day喺伊甸園,Terence佢就幫我準備埋成長片段。同prewedding比,今次我自己責任就大啲,因為我要話俾佢知個場地會係點,等佢可以知道到時佢要點set up啲燈光同器材之類,同埋同佢講當日嘅流程。佢都會同我哋講定嗰日佢大約會點幫我哋影,我哋會去邊啲地方再影相之類。

嗰日我哋大約9點左右開始影,到下午4點幾5點左右。因為嗰時喺場地入面影完,3點要交場,我哋見附近都有啲景可以影吓,就問Terence下午唔介意嘅話不如幫手喺附近影幾張。我哋未夠3點就出去戶外再影,本來諗住都係影多1個鐘左右,之後仲可以返屋企沖個涼換套衫先同屋企人去食飯,點知最後係影到無時間,因為佢幫我哋影咗好多,真係超過我哋expectation!講返big day相就都好standard所以無乜大問題,各方面佢都好配合,無意外發生。snap shot嗰部分佢都捕捉得幾好。不過有啲朋友仔就覺得自己俾人capture咗個樣唔靚,但呢啲都無辨法嘅,咁啱嗰個人個表情係咁嘛。我自己就覺得可以再多啲snap shot,因為啲排排企相都睇到幾悶,會想睇下當時其他人啲表情係點多啲。

其實我哋1月16日註冊,3月就喺台灣擺酒,得個半月左右時間。Terence佢都好快起到晒貨,等我可以攞啲片同相去台灣嗰邊播。我知佢應該係特登幫我趕,因為我試過下午message佢問佢啲嘢,佢大約7點幾再覆,我就知佢應該係忙緊,要等大約入席嗰啲空檔覆我。不過雖然咁急幫我趕,佢做出嚟嘅quality係好好!我用佢輯相去到台灣俾啲人睇完,個個都係勁驚訝!我哋結婚嗰日落大雨佢都 特登出去同我哋影外景,影完出嚟又唔覺得天氣唔好。而台灣啲人影相影到啲人好似啲膠公仔咁勁執相,Terence就幫我哋影到好自然,所以去到台灣個個睇完都讚不絕口!

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
4
4.0分 (1 vote)
照片/影片質素 
4.5
4.5分 (1 vote)
服務承諾達到 
5
5.0分 (1 vote)
價格適中 
4.5
4.5分 (1 vote)
商戶名稱
TcTang Image House
所使用的服務 
婚禮當日攝錄
產品/服務種類 
本地
婚宴/攝影日期 
2016/01/16
是次最終消費 
HK$ 23000

頁面