The Stage

服務詳情

服務種類:
婚紗攝影
婚禮當日攝錄
家庭攝影
整體評分:
整體評分 
4.6
4.6分
整體評分 
4.8
4.8分
整體評分 
0
0分
平均消費: 海外: HK$37150 起 本地: HK$29333 起

評語 提交評語

Sharoneuy 2016/03/08 23:40:46

我去咗兩年婚紗展,一直有留意The Stage,覺得佢最outstanding。因為所有嘢都愈嚟愈貴,亦覺得差唔多時候,所以第三年就搵咗佢哋幫我哋影相。佢俾我嘅感覺喺好舒服,又喺我鐘意嘅style,加上望到個booth第一下已經好吸引我,喺我夢想嘅style。因為指定Kenneth要加3000,我男朋友當時有啲猶豫,但其實我留意The Stage三年就喺為咗搵Kenneth影!不過好彩,Kenneth一定影overseas,所以就可以免咗呢筆錢,嗰下直情乜都唔諗即刻俾咗錢!

我要求嘅所有嘢佢有盡量配合我,例如我想要哂所有softcopy,而唔要其他簽名簿同相簿,淨喺要咗油畫,佢幫我哋㩒完機之後,仲比原來個價錢平咗!我同佢哋講,我留意咗佢哋好耐,喺佢哋fans,仲拎返3年嚟儲嚟嘅leaflet俾佢睇。佢見我咁留意佢哋,就算因為過咗會展冇優惠價,都有俾返個promotion俾我哋。

由買package到上機大概半年,我提出咩問題Ruby都答到我,每次亦有溫馨提示remind我帶嘢等等,亦好快回覆我,所以都十分欣賞佢哋。我哋傾流程嘅時候,Kenneth不停問我哋意見,但因為我哋對呢個地方冇乜concept,淨喺知好浪漫,於是佢就提議咗好多地方俾我哋。佢話,佢哋不時發掘下新地方,講返唔同地方用唔同角度會有咩效果等等,睇得出佢哋準備做得好充足!例如聖母院嘅後花園,因為我淨喺知前院喺鎖橋,完全唔知個後花園可以咁靚!

佢哋當時喺巴黎,俾咗酒店地址我哋,然後我哋就帶哂所有嘢去搵佢哋。因為我喺中途插入去,去咗巴黎第二日先join佢哋,不過唔難搵,因為佢哋間酒店好近地鐵站。由於巴黎日落好晏嘅關係,所以我哋一點先開始集合。另外,佢哋有個當地好熟悉嘅司機,報咗價俾我哋,費用由我哋負責。

當日仲有一個化妝師,一個男助手同一個女助手,成隊crew total 4個人。化妝師好似叫阿May。我發現Kenneth真喺好專注於影相!當時不時有遊客行過,佢就好耐心等佢哋參觀完景點,或者讓人地影咗相先到我哋。我哋一啲都唔介意,因為冇話邊個先到先得,亦冇理由影婚紗相就大哂,所以覺得佢好大方!而且,影到咁上下,佢就會提議俾其他人影相先,因為見到好多人等緊,而我哋就可以趁機飲水同休息下。另外,當日出發前Kenneth收到消息凱旋門塞車,所以就取消咗,我覺得佢好當機立斷,唔會夾硬去影,因為可能會浪費好多時間。

負責打燈嘅男助手阿Tong,佢同Kenneth好有默契,令我對呢間公司有信心好多!而且佢成日幫我拉裙,所以好感激佢!

揀相方面,因為我曾經喺婚展抽獎可以喺另一間公司免費曬兩張相,但喺就有限期。我特登拜托The Stage幫我快少少執好其中兩張相,其餘就慢慢執,最後佢三日就俾返嗰兩張相我 ,令我可以如期去換相!呢方面覺得佢哋好貼心,可以盡量配合到我!

雖然除咗softcopy之外淨喺拎咗油畫,但結果都十分滿意!一打開bubble紙,兩眼即刻發光,因為真喺好靚好靚!!我揀咗喺聖母院一個側門影嘅相,冇諗過咁靚同埋咁高質素!因為我喺studio睇張相覺得冇乜特別,所以冇諗過油畫可以靚成咁。

最後,其實我真喺冇咩可以挑剔Kenneth。好多謝佢咁用心用力達到我哋嘅要求。另外,我睇得出佢對其他客人都喺咁俾心機,因為佢同我分享過同其他客人相處嘅經歷,例如有客人好鐘意換衫,換咗六套,佢亦好願意去等,會好用心應乎客人嘅各種要求。我覺得唔洗用口講或者點樣上網寫,只要幫襯過,就會知道Kenneth佢幾用心做嘢,所以我冇後悔過幫襯佢哋!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
4.5
4.5分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
4.5
4.5分 (1 vote)
商戶名稱
The Stage
所使用的服務 
婚紗攝影
產品/服務種類 
海外
婚宴/攝影日期 
2015/06/28
是次最終消費 
HK$ 36000
PHOEBE 2016/02/24 11:43:37

自從我反映咗prewedding個角度影到我有啲肥之後,佢今次真係有留意而調整咗啲角度。好有印象當日既早拍晚播段條片好surprise,到依加我都仲有keep住睇!因為好鐘意個feel,捉到哂我想要嘅野!

好深好深印象嗰日Kenneth「好勁」!記得當日我哋去咗中環添馬公園影相,佢諗住高炒一張相但係附近又無嘢可以企上去,當時佢諗都無諗,即刻同佢同事講要騎膊馬,當時真係好驚喜覺得佢好肯為我一張相而付出,而影出嚟亦好靚!

另外,佢嗰日嘅態度亦好好,對付任何情況都非常老練!因為我朝早嘅大衿姐真係幾惡頂兼麻煩,對影相又好多要求,係咁指揮Kenneth要點影相,但Kenneth EQ真係非常高,時時刻刻都容忍佢而亦都好nice咁回應佢,始終當日係我好日,我坐响度見到個大衿姐咁樣對佢都好唔好意思,而Kenneth又為我大局著想咁包容真係好專業,到依家我都好佩服佢,而我嗲哋媽咪都話佢好nice同好有禮貌。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
The Stage
所使用的服務 
婚禮當日攝錄
產品/服務種類 
本地
婚宴/攝影日期 
2015/08/14
是次最終消費 
HK$ 40000
AhGuy 2016/01/27 09:50:08

其實搵Big Day攝影師搞咗好耐,因為覺得點都唔會搵唔到掛,點知拖吓拖吓,搞到連Kenneth輯pre-wedding都攞埋相都未真係搵Big Day攝影師~ 好啦,咁就一於去婚展睇吓啦,咁响婚展就咁啱見到我老婆個同事結婚時用嗰個攝影師,都唔單止係佢,同其他都係,話晒自己都响朋友結婚時做過兄弟,而當日大家都一定會好攰,如果到時嗰位攝影師唔能夠令我哋笑的話咁啲相點都靚呢?記得當時見佢地仲要我同我老婆兩個搞笑佢哋先識得插嘴落嚟一齊笑,面談時已經覺得好悶,咁唔同當日仲要我哋招呼你哋咩。。。當然價錢佢哋係平過Kenneth既,而老婆都差啲都因為其中一間啲相都幾靚而諗住confirm其中一間,但諗到其實價錢都只不過差幾千蚊,咁咪同老婆解釋話當去少個旅行囉,話晒都係一生人一次,得一次機會影,所以都唔好介意嗰幾千蚊啦,而站於質素我係覺得合理既,所以都係貴D都搵返Kenneth費事博。。。

影相當日Kenneth會叫我哋做啲動作,令我哋覺得好好笑,而亦都好適合個場合。臨接新娘嗰陣我哋班兄弟响酒店下面影相,佢會分別叫我拎住啲利是好招積咁fing下fing下,咁好啦,我以為佢只係影我一個人啦,但係原來佢又另外叫我班兄弟响後面衝埋嚟!當時我喺完全唔知道真係以為佢影我單人fing利是,事後睇返啲相先知道嗰陣有班兄弟衝緊埋嚟!呢幾張我真覺得好深刻而自己都好鍾意。另外就係Kenneth真係可以營造到唔同既氣氛,感動又有,開心又有。例如去男家敬茶,佢影到我老豆同大家姐眼濕濕嘅樣,而同事影到我媽媽笑到見牙唔見眼嘅樣,當時我爸媽坐埋一齊,所以有相映成趣嘅感覺,但亦覺得好warm!

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
4.5
4.5分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
4
4.0分 (1 vote)
商戶名稱
The Stage
所使用的服務 
婚禮當日攝錄
產品/服務種類 
本地
婚宴/攝影日期 
2015/01/17
是次最終消費 
HK$ 28000
PHOEBE 2016/01/12 18:20:51

上網睇過其他攝影師,不過好多都係價錢唔啱所以都無聯絡見面。我見到The Stage價錢適中,所以特登去婚展搵Kenneth傾。我當時留意到佢有一本相簿影澳門影得好classic,因為我哋就正正就係好鐘意呢種歐陸feel,有啲英倫風既感覺,當時見到印象真係好深刻好鐘意。當時無論價錢、package、效果等等Kenneth都解釋得好清楚,而到confirm咗之後臨到影之前3個月佢地同事都會打電話嚟約我哋同Kenneth開會,傾吓啲style同埋其他準備功夫等我哋可以好好準備。

Bigday前因為天氣唔太好,所以Kenneth都有提我哋要帶遮去配合拍攝,但因為我太趕時間唔得閒買,所以佢同事Ruby就直頭幫我買咗一把透明同另一把同黑色遮,真係好感激佢!!! 呢樣真係做得好好!

交通安排佢地有相熟既司機,咁俾卡片我哋自己call而都係優惠價嚟既。記得嗰日化妝師都好好,喺咁幫我拎嘢,但係睇返個妝都算冇乜特別造型,其實之前的確係要求話要啲嘅簡單既style既,效果其實唔係差,但就真係非常簡單。因為我哋都諗唔到咩地點,所以全部都喺由Kenneth決定,最後出到嚟全部都好鐘意!特別喺落住雨嘅夜景相,我哋擔住遮影,而影到出嚟真係就好有歐陸feel,好鐘意! 而當時天氣真係麻麻哋,佢哋隊crew都對落哂雨踩哂泥完全okay冇問題,連Kenneth自己亦好瞓身,當日地方好跣而佢又不時要攀山爬嚟爬去,所以覺得佢哋成crew人好都好認真,所欣賞佢哋!

影完之後覺得相嘅質素冇問題,但顏色同角度方面就冇我想像中咁好,可能因為佢之婚展見嗰輯澳門既sample相實在係太靚喇,比較之下覺得好似差少少~!

整體滿意度 
4
4.0分 (1 vote)
服務態度--攝影/錄影前接洽 
4
4.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
3.5
3.5分 (1 vote)
照片/影片質素 
3.5
3.5分 (1 vote)
服務承諾達到 
5
5.0分 (1 vote)
價格適中 
4
4.0分 (1 vote)
商戶名稱
The Stage
所使用的服務 
婚紗攝影
產品/服務種類 
海外
婚宴/攝影日期 
2015/08/14
是次最終消費 
HK$ 28000
AhGuy 2015/12/18 12:18:20

我朋友介紹咗 Kenneth 俾我知 ,叫我哋睇下佢嘅作品,咁當時上網同去婚展睇佢啲相又真喺覺得靚,加上同佢傾落計覺得佢幾講得笑(因為我覺得攝影師好需要令到人笑)雖然價錢喺稍高但又見佢喺咩十大攝影師,所以都決定搵 Kenneth 影。

準備既時候好好,揀衫既時候佢哋都有講明如果我哋想影vintage嘅感覺,就未必連道具都可以提供到。所以預早講咗等我哋可以有準備,唔會去到先知「瀨嘢」!

影 pre wedding 真係要留意天氣,因為我哋影嗰時喺六月,好好彩每逢我哋影相嗰時就好好天,但係搭車同埋返酒店就係咁落雨! 而要提就係一埋位 Kenneth 好快就影到滿意嘅相,而景點就係我哋大家一齊傾一齊定既,但係感覺佢都好熟悉每一個景點點影最好!攞相比預期耐少少,雖然佢都有同我哋講要花啲時間執相同埋嗰排佢地比較忙,所以大概等咗三個月先拎到相,始終老婆好期待想快啲睇,所以當然如果可以出得快啲就更好啦。相既排版真係好好,Kenneth 都有建議我哋邊張排封面,邊張排封底,咁我哋其實都唔識,所以都好聽佢既意見。見到實物之後真係覺得好靚,佢建議嘅排版真喺令相簿變成一個故事!

差D唔記得,我印像好深既就係 Kenneth 真喺「五體投地式」咁影相,係成個人「趴」响地下,心口落地,完全無諗過污唔污糟!!我有時幫人做兄弟,做伴郎,都冇見過攝影師喺咁。所以覺得佢咁落力,呢筆錢真係洗得抵!

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
4.5
4.5分 (1 vote)
價格適中 
4
4.0分 (1 vote)
商戶名稱
The Stage
所使用的服務 
婚紗攝影
產品/服務種類 
海外
婚宴/攝影日期 
2015/01/17
是次最終消費 
HK$ 39000

頁面