Gallery C

服務詳情

服務種類:
婚紗攝影
婚禮當日攝錄
家庭攝影
整體評分:
整體評分 
4.75
4.8分
整體評分 
4.9
4.9分
整體評分 
0
0分
平均消費: 本地: HK$18000 起 本地: HK$18100 起

評語 提交評語

bunnica 2017/03/19 21:16:55

我係係搵Gallery C嘅Jan Pak影big day。事緣係我哋上年去朋友嘅wedding,見到佢將當日影啲相即時整個video播出嚟,我地睇個slideshow見到啲相好靚,所以之後就問佢攞contact。

之後,我哋約咗上去佢studio見面,當日佢再俾多啲相我地睇,佢亦冇點sell我哋。Confirm咗後,我地有再上去同佢傾rundown,佢都有建議我地有關時間處理嘅細節,而且佢話會盡量就我地,而且佢亦有提醒我哋如果big day當天想喺呢個地方咁樣影,就可以點樣預時間。

Big day當日都好smooth,我地個schedule都好趕佢地都盡量配合到,又有叫佢啲partner幫手影。同埋其實我自己唔係咁鍾意有D攝影師講好多嘢,好似操縱咗成個wedding咁,例如會叫你戴金先唔好飲茶住,所以我有同佢講番唔需要特別去interrupt啲次序,影到就影!而當天,阿Jan都好配合我哋,冇主導個wedding。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Gallery C
所使用的服務 
婚禮當日攝錄
產品/服務種類 
本地
婚宴/攝影日期 
2016/12/17
是次最終消費 
HK$ 15000
AngieShadow 2016/06/09 19:19:36

當時揀攝影師都睇咗好幾間,而我好多時都係揀幾位攝影師俾我老公睇而佢好多都話「差唔多啫!」,唯獨係見到Billy啲相佢就話呢個啲相靚!始終影相都係兩個人既事而都要佢配合,所以都想搵一間係我老公都鍾意既。

係Big day 之前兩三個禮拜左右就同Billy同埋攝錄師見面開會,Billy 嗰事真係俾到好多advice, 例如當日既rundown 應該係點, 某啲位點樣安排兄弟姊妹幫手,特別係時間既安排,事關我哋當時係安排戶外行禮,但係當初預既時候我哋都無理會到陽光既影響,即係太曬又唔好,太陽就落山又唔得,所以响時間既調動上Billy真係幫咗我哋好多。

我好記得Big Day當日我俾其中一個姊妹既task就係如果到咗幾點都未見到攝影師的話就要打呢個電話催佢地,但係當日其實都未夠嗰個時間Billy佢地就到咗喇,好準時。Billy同隊crew啲拍攝手法真係好「自然」,點解咁講係因為以前我做過人哋姊妹,而佢地既攝影師會係咁俾好多instruction要啲親戚朋友點擺pose,結果就係大家係度係咁擺pose,又話企邊到,整嚟整去!其實雖然我朋友出嚟啲相係真係靚既,但係過程要做到咁就真係太刻意。Billy佢唔會刻意俾太多instruction又好識得睇場合同埋氣氛,佢見無乜嘢事發生既時候就會俾少少instruction影啲pose相,但係到咗一啲儀式既嘢進行緊既時候就會好安靜咁拍攝同埋紀錄,呢份自然我哋真係好appreciate 。

我哋當日天氣真係好差,到咗差唔多證婚既時候就落得好大雨,當時律師都有提及過話如果落雨就要移去場地既一個房仔到進行,因為證書係唔可以淋濕既。我聽到當時都好驚,因為怕無得係戶外證婚,始終準備咗咁耐都好想如我所諗咁樣呈現返出黎。Billy同佢partner阿Jan都知道我當時係咁諗,佢地就私底下同律師安排咗一個方案,就係如果都係微雨的話就都俾我哋响外面行禮,行完禮就搬返去室內簽證書。雖然時間變得好短,流程都無我現象中咁一樣,但係我真係好感激佢地咁幫我,令我可以留住呢一刻俾我好好經歷,將呢個畫面捕捉起來。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
4.5
4.5分 (1 vote)
商戶名稱
Gallery C
所使用的服務 
婚禮當日攝錄
產品/服務種類 
本地
婚宴/攝影日期 
2016/01/05
是次最終消費 
HK$ 17000
AngieShadow 2016/06/07 14:15:56

Billy 個人真係好nice,同我哋好似朋友咁傾計,感覺好輕鬆。而籌備婚禮我哋真係好多嘢都唔識,但係 Billy 都俾左好多意見我哋, 例如影相安排、 地點、姿勢等等。 特別係我哋揀衫既時候Billy 都有提我哋適合著咩色既衫, 到時擺咩姿勢影相,而佢臨影相嗰幾日都會再提我哋要帶幾多件衫做後備,都見到佢好著緊我哋個shoot。

我哋特別鍾意喺studio影既相,最後都揀左好多。可能係因為studio D 光可以易D控制, 影出黎既效果真係都好sharp好突出 。記得啱啱開始聽 Billy present既時候佢俾左好多相版都係石澳同大帽山影,我哋當時就係覺得佢嗰幾輯sample相都好靚,好有佢既signature, 所以最後我哋都係揀左係呢兩個地方影。影外景既時候,Billy問朋友借左部7人車車我哋去,令我哋可以舒舒服服,佢呢個交通既安排真係好體貼。Billy 好熟悉影相既地方,每個位都唔會話特別影好多張相,但係影出黎既相都好有質素,成個過程好有效率。Billy 好訓身咁幫我哋影相,就算有D地方比較危險例如有啲地方要爬高爬低,我哋自己都擔心但係佢又好似唔會顧忌啲咩總之就係照影唔理!

最後啲相係滿意既,但係可能我哋Pre wedding影相日期 同 big day 日子較近,當中好似好趕咁少咗啲溝通而都未有時間去商量執相既效果應該係點。記得執相淨係執左一次就要落相薄,雖然最尾出黎D相都真係滿意既,但係始終有D細微既位如果可以再執吓就會更好喇。

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
4
4.0分 (1 vote)
照片/影片質素 
4
4.0分 (1 vote)
服務承諾達到 
4.5
4.5分 (1 vote)
價格適中 
4
4.0分 (1 vote)
商戶名稱
Gallery C
所使用的服務 
婚紗攝影
婚宴/攝影日期 
2015/09/07
是次最終消費 
HK$ 18500
Christyylf 2016/05/31 18:32:04

我同我老公結婚就比較特別,簽紙同擺酒係唔同日子進行,所以簽紙嗰時就請咗部分時間嘅攝影師,大約喺兩三個鐘左右,然後Big Day嗰日就再請一次攝影師。其實我哋計埋prewedding同簽紙都係搵Gallery C幫我哋影,我哋又覺得佢哋影得好,所以後來影Big Day當然係諗都唔駛諗就搵返佢幫手,始終影得好又熟咗。(簽紙喺搵咗Jan,prewedding就搵咗Billy,big day都係Jan,因為Billy喺我老公兄弟團嘅一員黎~)

雖然之前已經簽咗紙,但其實其他嘢我哋婚宴嗰日都做返足,例如接新娘、斟茶嗰啲。嗰朝好早8點鐘左右我老公佢哋就要到我哋新娘呢邊(沙田麗豪酒店),攝影師佢哋一行四人仲比約定時間早到咗!佢哋黎到之前仲打電話黎問吓我哋ready未,真係好貼心。佢哋黎到就教我哋同啲長輩應該點樣攞住啲金器同茶具影相,不過因為我哋有請大妗姐,所以整個流程隊crew就主要專注喺影相嗰邊。

雖然佢哋主要幫手影相,但佢哋同我哋啲親戚長輩都相處得好好,仲同部分親戚做咗朋友,好好傾!然後我哋就再由女家過男家嗰一邊(馬鞍山)。除咗斟茶呢啲重要環節,佢哋仲有同我哋喺屋企樓下同屋企裡面再影咗一啲相。斟茶環節完晒之後,我哋仲去烏溪沙影咗一個鐘左右。雖然喺烏溪沙只係一個鐘左右,我哋都影咗好多相,都唔知點解,其實咁早開始到嗰陣應該都好攰,但係影吓影吓大家都好enjoy所以都唔覺攰!

到晚宴嗰時自己就比較忙,又要換衫、march in其他各樣,就少咗同佢哋交流,不過我記得佢哋有喺旁邊不停咁幫我哋影相。到睇成長片段嗰時,我真係覺得好滿意,因為我有一啲特別嘅要求而佢哋都幫我哋做到晒。有啲要求例如我好怕啲成長片段好長,又hard sell浪漫,而特別怕就係聽到播返讀結婚誓詞「我,XXX,…」嗰啲,真係覺得咁做非常過氣!另外就係,我之前又見過有啲片入面影返朝早啲嘢嗰時,啲閃光燈勁多响到閃,而片段後來都播晒啲閃光出黎!呢點我哋都幾驚會係我哋到發生,所以當我見到我哋段片完全無以上呢啲嘢就真係好開心!條片感覺好柔和,節奏應快得快,時間掌握得啱啱好!(播得長嘅話啲賓客都悶啦!)後來我好多朋友喺facebook都話讚條片做得好靚。總括黎講,我哋覺得佢哋好叻掌握唔同嘅場地,喺咁多個唔同嘅地方都完全唔使摸索就已經幫我哋影到好靚嘅角度,成隊crew又好nice,好滿意呀!

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
4.5
4.5分 (1 vote)
服務承諾達到 
4.5
4.5分 (1 vote)
價格適中 
5
5.0分 (1 vote)
商戶名稱
Gallery C
所使用的服務 
婚禮當日攝錄
產品/服務種類 
本地
婚宴/攝影日期 
2015/10/09
是次最終消費 
HK$ 18000
Yandy Chau 2016/05/24 17:43:51

我一開始問bigday幫我影video嘅Dino,問佢有冇攝影師介紹,佢介紹咗三個俾我,我就揀咗Billy,因為鐘意佢影相嘅風格。佢真喺同我講好多,仲講埋當日嘅流程細節,就連大妗姐嗰part都做埋,好勁!佢同我講「其實你唔洗擔心架喎,我會全日帶住你架」。bigday前我哋有見多次,再傾埋啲細節同埋流程。

成個流程好順暢,其實都冇乜諗到啲咩,因為通常只有唔好嘅記憶先會深刻~我哋最後傾返,發現原來我哋冇跟張rundown做嘢。因為轉妝要時間,反而化妝師喺咁催我哋點解冇人跟張rundown。朝早嘅攝影同拍片阻咗好多時間,搞到註冊搵婚紗嘅時候化妝師喺咁催我哋快啲食完嘢換衫。好彩化妝師好有經驗,提返我哋跟返rundown!我留意返啲相,發現我著褂嘅時候影得特別多,嗰陣就喺朝早嘅時候,可能佢哋擺咗好多時間喺朝早影,令到有少少delay。

我覺得啲相都ok,因為Billy喺主機,我想睇佢嗰啲多啲,但Jan賓客嗰啲都OK。仲有一點,呢個可能喺我自己問題,我覺得佢哋啲相比較暗,但呢個喺佢哋嘅風格,亦都一早講明。當時我都喺因為佢哋呢點而被吸引,佢哋喺行比較意境藝術嘅路線。其實我都好鐘意,都覺得好靚,但如果某部分相陽光少少就最好喇!

因為嗰日太攰,我問Billy想我當日找數定第二日,佢話可以bigday完咗先俾我,最尾我第二日先俾佢,佢都冇乜所謂。去到夜晚黑我哋又要找數執嘢換衫等等,我先生同我講Dino同Billy要走,想叫我哋走數,我話得得得但一直喺入面做其他嘢,結果佢哋喺出面等咗九個字。其實Billy可以走先,因為講好咗第二日先俾錢佢,但佢都陪Dino等埋我出嚟俾錢然後講byebye,所以覺得Billy真喺好好,亦都好專業。我嗰陣見到Billy真喺好攰,好似企都企唔到,要靠個腳架撐住!!所以好感恩有個咁好嘅攝影師!

整體滿意度 
4.5
4.5分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
照片/影片質素 
4.5
4.5分 (1 vote)
服務承諾達到 
5
5.0分 (1 vote)
價格適中 
4.5
4.5分 (1 vote)
商戶名稱
Gallery C
所使用的服務 
婚禮當日攝錄
產品/服務種類 
本地
婚宴/攝影日期 
2015/09/16
是次最終消費 
HK$ 20000

頁面