Life-Photography (BK Wang)

服務詳情

服務種類:
婚紗攝影
整體評分:
整體評分 
5
5分
平均消費: 海外: HK$15000 起

評語 提交評語

Hmaurice 2018/04/03 18:18:38

我哋係台灣攝影師係日本影嘅,個攝影師係我嗰澳洲朋友嘅攝影師,佢請左個台灣攝影師過去,影相好有heart,同埋影得好靚,所以就搵左佢。

佢係台中,都有做overseas pre-wedding pictures。我朋友wedding嗰日有同我哋傾過計咁,有睇過佢啲相,你同佢影相個人會好放鬆嘅,唔會好似香港啲攝影師咁教你要點、又要三七面,佢唔係影啲好standard嘅相,係好自然嗰啲,可能兩個人行下、傾下計,佢就會capture你,個capture你會覺得有愛嘅。香港會覺得好硬,大家都係山頂影同一幅相,或者係中環影相,或者有啲好勁去法國個教堂前面但個posture都係一樣,但佢啲相你係會feel到中間有愛,咁我覺得呢樣佢做得好好。

我係Facebook搵佢嘅,話想搵佢影pre-wedding,佢就同我講佢遲啲去日本奈良影櫻花,佢可能係去一個星期trip,可能佢影三對couples,我哋係其中兩日。因為我哋係朋友,識嘅,所以佢送左一日比我哋。我覺得同我哋影相好開心,所以影左一日standard wedding,第二日同我哋去左影和服,影左大半日。我哋用國語溝通,夾雜廣東活同國語,因為Maurice唔識講國語,但佢就識得聽。其實廣東話講慢啲攝影師係聽得明嘅。我好欣賞佢影相個idea,啲人成日話影pre-wedding好攰,但我哋一啲都唔攰,我影得好開心,好似真係去左旅行,只不過著得靚啲,但佢影出黎啲相係一個好好嘅回憶,你唔會覺得好攰啊著住對高跟鞋,或者笑到好攰。佢capture啲moment好開心架。

我希望攝影師可以多啲時間,佢好忙,自己一個人,又係reception,又做booking,係佢自己一個嘅business,所以可能時間方面,你問佢一個問題,佢要一個禮拜或者幾日先覆到你,which is我明嘅,佢太多野做。化妝師係佢搵出面嘅,可能平時同佢合作開嘅,可能嗰個化妝師呢排得閒咪一齊出trip。化妝師叫Apple,服務okay,化妝好清,exactly係我想要嘅,唔要啲咁誇張。

我最鐘意我哋房曬左出黎張結婚相,兩個推住單車咁。攝影師好有heart,搵左間民宿後面成條街都係櫻花樹,冇乜人係嗰度影嘅,佢就覺得如果有部單車就好影到嗰種感覺,就突登係日本買部二手單車,冇同我哋收翻錢。佢買左部單車比我哋影,影完之後就擺左係日本送左比人。佢就係一個咁樣嘅攝影師,所以我覺得好值得respect呢個人,同埋我覺得佢應該要出名架,我覺得佢真係好好。佢又好細心,唔會令你好緊張,作為一個女仔你唔係成日影相,或者冇明星樣,你唔會每一個角度都靚架嘛,但佢唔會同你講話要三七面喎,佢會自己搵你最自然最靚嘅角度,唔會個個好似劉嘉玲咁靚嘅明星,但佢影出黎係靚架囉。係佢搵你靚嘅一面,唔需要自己chok出黎嘅。嗰日去好多香港人去影pre-wedding,抝晒腰打晒光管咁,我哋完全冇。佢會叫你係呢個角度,「Maurice拎住佢條裙」或者「笑一笑啊」,但佢企到好遠嘅,總之你兩個傾計,好似平時咁,佢就會影到啲好靚嘅相,我覺得佢好勁。

我地2016 年四月去影。全部$15,000,仲要送相簿、油畫比你,再送A5 size printed當日擺係reception比人攞,newspaper咁樣嘅,有我哋幾張相,好靚。佢寄埋比你,冇問你攞郵費。我套婚紗係突登去台灣試嘅,試完suppose要自己攞套婚紗去日本架嘛,但因為我哋係香港飛,佢話唔緊要啦,幫我擺係自己行李到攞左兩套婚紗過去。呢個人真係冇得輸!Big day嗰日好後悔冇搵佢,如果搵左佢成件事會好好多。

整體滿意度 
5
5.0分 (1 vote)
服務態度--攝影/錄影前接洽 
5
5.0分 (1 vote)
服務態度--攝影/錄影當日 
5
5.0分 (1 vote)
化妝造型質素(如提供) 
5
5.0分 (1 vote)
照片/影片質素 
5
5.0分 (1 vote)
服務承諾達到 
5
5.0分 (1 vote)
價格適中 
5
5.0分 (1 vote)
商戶名稱
Life-Photography (BK Wang)
所使用的服務 
婚紗攝影
產品/服務種類 
海外
婚宴/攝影日期 
2017/01/21
是次最終消費 
HK$ 15000